Yo 3:17 - Sơ̆p Hlabơar Nơ̆r 'Bok Kei-Dei

¹⁷ 'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Yo 3:17 Referans Kwoze

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Yo 6:57

'Bă Inh mă arih ling-lang, Sư wơh Inh na Inh oei arih yua kơ 'Bă Inh. Thoi noh mơ̆n bơngai mă sa sĕch akar Inh, sư gô oei arih yua kơ Inh.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 6:29

Yêsu khan kơ lu sư: “'Bok Kei-Dei wă thoi âu: Sư wă kơ iĕm lui kơ Inh âu mă đơ̆ng Sư wơh.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Yo 7:29

Inh băt kơ Sư tơpă kơlih kơ Inh jur đơ̆ng Sư, yua kơ Sư wơh Inh.”

Yo 5:45

“Iĕm khan iĕm lui kơ Môis bơtho, na 'Bok Kei-Dei wă pơklaih iĕm. Mă-lei iĕm ưh kơ lui tơpă ôh yua kơ Môis roi tơdrong Inh tơpă, mă-lei iĕm ưh kơ wă lui kơ Inh. Lăp 'Bă Inh sek tơlang ning-mônh Môis gô jô̆ iĕm bơngai kơchu na Inh huay kơ kăl jô̆ iĕm ôh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 10:36

Na lơliơ iĕm khan Inh pơma tih kơ 'Bok Kei-Dei Inh khan Inh Kon 'Bok Kei-Dei, yua kơ 'Bă Inh ăn kơ Inh jang tơdrong Sư tơpă păng wơh Inh jur tơ ala teh âu.

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Yo 5:38

Păng dôm tơdrong Sư pơma iĕm ưh kơ wă iŏk lăm jơhngơ̆m iĕm tăm, yua kơ iĕm ưh kơ lui kơ Inh mă sư wơh.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Luka 9:56

Đơ̆ng noh na lu sư weh tơ pơlei nai đĕch.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Yo 8:11

Drŏ-kăn ei khan: “Ơ 'Bok Thây, ưh pă đei bu jâu areh kơ inh dơ̆ng ôh.” Na Yêsu khan: “Inh kư̆m ưh kơ jâu ih mơ̆n. Na dang ei brŏk mă 'lơ̆ng kơ ih bĕ, 'nĕ pă pơm yoch dơ̆ng hŏ.”

Yo 17:18

Inh wơh lu sư năm jơ̆p-jang kơ teh đak âu, kư̆m thoi Ih wơh Inh jur tơ ala teh âu mơ̆n.

Yo 17:23

Inh pôm đon hăm lu sư păng ba pôm đon dih băl, wă kơ lu sư pôm đon tơduă lu sư mơ̆n; na lu bơngai ala teh âu băt kơ Ih wơh Inh tơpă păng lu bơngai ala teh gô băt kơ Ih 'mêm kơ lu bơngai pơhrăm păng Inh, noh kư̆m thoi Ih 'mêm kơ Inh mơ̆n.

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Mathiơ 18:11

Inh Kon Bơngai truh wă pơklaih kon bơngai hiong hiơt kơ 'Bok Kei-Dei.