Yo 3:13 - Sơ̆p Hlabơar Nơ̆r 'Bok Kei-Dei

¹³ Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Yo 3:13 Referans Kwoze

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Jang 2:34

Đawit ưh kơ đei tŏk tơ plĕnh ôh, mă-lei sư khan: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ oei gah 'ma kơ Inh pơgơ̆r,

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

I Kor 15:47

Bơngai kơ đĭ-đăng hơdrol sơ̆, sư đơ̆ng 'Bok Kei-Dei pơjing sư păng teh, man sư păng 'mui teh; na bơngai mă 'bar 'noh Sư jur đơ̆ng plĕnh.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Rom 10:6

Mă-lei tơdrong lui kơ Yêsu wă kơ 'lơ̆ng hăm 'Bok Kei-Dei ưh kơ anat ôh. Bơ̆n băt ưh kơ anat, na bơ̆n 'nĕ kơ pơma khan: Năm bĕ, bu tŏk krao kơ bơ̆n Yêsu đơ̆ng plĕnh,

Yo 6:62

Tơdah iĕm ơh kơ tơdrong Inh bơtho 'noh hei, lei iĕm gô 'bôh Inh Kon Bơngai, na Inh wih tŏk tơ anih Inh mă oei kơpal plĕnh ti sơ̆, na iĕm tơchĕng liơ dơ̆ng đơ̆ng noh?

Yo 3:31

“Bơngai mă jur đơ̆ng plĕnh ti, bơngai 'noh tih hloh kơ đĭ-đăng bơngai. Bơngai bu đơ̆ng ala teh âu, sư 'noh bơngai mơnglang đĕch păng sư băt pơma gah tơdrong ala teh âu đĕch. Bơngai mă jur đơ̆ng plĕnh ti 'noh tih hloh kơ đĭ-đăng bơngai tơpă.

Yo 6:46

Mă-lei ưh kơ đei bơngai bu 'bôh 'Bă Inh ôh. Pôm Inh Kon Sư mă jur đơ̆ng plĕnh đĕch 'bôh kơdih 'Bă.

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Both 30:12

Kŭm ưh kơ trŏ kơ tơdrong tơ kơpal plĕnh na iĕm mah jet: Bơngai bu gô tŏk tơ plĕnh chĕp ba tơjur tơbăt ăn kơ bơ̆n kơtơ̆ng, na wă kơ lu bơ̆n pơm kiơ̆?

Yo 17:5

Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Yo 6:33

kơlih kơ tơmam sa đơ̆ng 'Bok Kei-Dei ei na gơh jur đơ̆ng plĕnh wă ăn kon bơngai jơ̆p kơ teh arih.”

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Êphêsô 1:23

na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Yo 3:12

'Nâu Inh bơtho iĕm dang ei gah tơdrong ala teh âu, mă iĕm ưh kơ lui. Tơdah Inh wă bơtho gah tơdrong 'Bok Kei-Dei kơpal plĕnh ti, iĕm kư̆m ưh kơ lui rai loi.