Yo 21:15 - Sơ̆p Hlabơar Nơ̆r 'Bok Kei-Dei

¹⁵ Lu sư achăng sa boih na Yêsu jet Simôn Pêtrôs thoi âu: “Ơ Simôn kon Yôhan, ih hăm 'mêm kơ Inh hloh kơ lu buăl ih âu 'mêm kơ Inh?” Pêtrôs drơ̆ng: “Ơ Kră Yang, Ih băt mơ̆n inh 'mêm kơ Ih.” Yêsu khan kơ sư: “Lei ih rong kon triu Inh.”

Yo 21:15 Referans Kwoze

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Êphêsô 6:24

Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

Yo 16:27

kơlih kơ 'Bă Inh 'mêm mơnat kơ iĕm tơpă. Sư 'mêm kơ iĕm yua kơ iĕm 'mêm kơ Inh păng lui kơ Inh jur đơ̆ng 'Bă Inh 'Bok Kei-Dei.

Je 3:15

Inh gô ăn kơ iĕm lu bơngai wei-lăng kiơ̆ thoi Inh lăp; lu sư gô wei rong chông anhăk lu iĕm hăm tơdrong gơh hơgei hlôh wao.”

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Rom 14:1

Gah lu bơngai lui mă ưh tam mă hlôh tôm tơdrong, bơ̆n athei 'mêm kơ sư mơ̆n. Bơ̆n 'nĕ kơ pơjah pơjăng tơdrong sư ưh tam mă hlôh noh.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Yo 21:12

Yêsu khan kơ lu sư: “Năm sa tơ âu bĕ.” Mă-lei lu sư ưh kơ đei bu pơ̆n jet Sư: “Ih bu?” Yua kơ lu sư băt kơ Sư Kră Yang Yêsu.

Yo 21:7

Bơngai pơhrăm păng Yêsu mă Sư 'mêm kơeng tơpă, sư khan kơ Pêtrôs: “'Noh Kră Yang bơ̆n Yêsu.” Lăp Pêtrôs kơtơ̆ng thoi noh boih na sư hrŭk ao sư hloi, yua kơ kơplah sư oei traih jal hei sư ưh kơ hrŭk ao. Hrŭk ao đang boih na sư kơtah hloi tơ đak năm tơkan hloi tơ Yêsu. Thŏng-nan ataih kơ jih đak ei dang minh-hrĕng thưk.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

I Kor 8:11

Pơtih gia dah sư pơm kiơ̆ kơ iĕm thoi noh boih, inh hli kơ lu sư hơwơ̆l jing ưh pă băt kiơ̆ tơdrong lui thoi yơ, na jing achăng lê̆ tơdrong lui sư hloi. Sư bôl bơ̆n, bơngai lui thoi bơ̆n, Yêsu Krist lôch tang sư tơ 'long pơglang boih ră, mă-lei iĕm wă pơm pơ'brơh kơ sư jing răm.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.

Markôs 14:29

Na Pêtrôs khan kơ Yêsu: “Mă đĭ lu đe âu achăng lê̆ Ih, gah inh kuă kơ achăng Ih ôh.”

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Bl 33:13

Jakôp tơl: Ơ 'nhŏng, Ih băt boih kơ lu hơ'lơ̆p oei 'lơ̆p dêh; păng oh oei chă chơng lăng lu triu păng rơmo yŏng mă kon sư oei mŏm; tơdah bơ̆n yak năm dơ̆ng pă minh năr lei kơnh hli kơ lu sư lôch đĭ.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

II Sam 7:20

Đawit wă oei pơma kiơ dơ̆ng hăm Ih? Ơ Kră Yang Kră Yang inh, Ih băt kơ inh đĭch đam Ih.

Yo 13:37

Pêtrôs jet Sư: “Kơlih kơ kiơ inh ưh kơ gơh kiơ̆ Ih dang ei? Inh chu lôch kiơ̆ Ih.”

Yo 1:42

Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Mathiơ 26:35

Mă-lei Pêtrôs khan: “Mă đe wă pơlôch inh hơdai păng Ih, inh kư̆m kuă kơ sơngah ôh.” Đĭ-đăng lu bôl sư kư̆m khan lei-lăi thoi noh mơ̆n.

Mathiơ 26:33

Na Pêtrôs khan kơ Sư: “Mă lu đe âu achăng lê̆ Ih, gah Inh kuă kơ achăng Ih ôh.”

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

Êsêkiên 46:24

Sư khan kơ inh: Âu boih hnam gŏ, anih lu bơngai bơ̆jang awih awăn lăm hnam akŭm pai hơtŭk lu tơmam soi đơ̆ng kon pơlei pơyơ̆r.”