Yo 20:31 - Sơ̆p Hlabơar Nơ̆r 'Bok Kei-Dei

³¹ Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 20:31 Referans Kwoze

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Yo 3:18

“Bơngai bu lui kơ Kon Sư huay kơ pŭ tơdrong phak ôh. Bơngai bu ưh kơ chu lui kơ Kon Sư, 'Bok Kei-Dei sek tơlang tơdrong sư boih păng wă phak sư tơpă yua kơ sư ưh kơ wă lui kơ Kon pôm Sư.

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Yo 10:10

Bơngai chă tơtông truh, sư wă tơtông iŏk đĕch păng wă pơrăm đĕch. Mă-lei inh truh tơ âu wă ăn kơ triu arih păng hiôk chơt tơpă.

Yo 5:24

Inh khan kơ iĕm tơpă, bơngai bu mơ̆ng Inh bơtho păng lui hloi kơ 'Bok Kei-Dei mă wơh Inh, bơngai 'noh ning-mônh sư gô oei hơdai hăm 'Bok Kei-Dei arih ling-lang păng Inh huay pă sek tơlang tơdrong sư boih. Sơ̆ sư kiơ̆ tơdrong lôch mă-lei dang ei sư kiơ̆ tơdrong arih.

Luka 1:4

wă kơ ih băt mă tơpă gah tơdrong Yêsu.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu:

I Pet 1:9

Iĕm hiôk dang noh yua kơ iĕm băt kơ 'Bok Kei-Dei pơklaih tơdrong yoch iĕm, wă ăn kơ iĕm tơdrong hiôk 'lơ̆ng yua kơ iĕm lui kơ Sư.

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”