Yo 19:29 - Sơ̆p Hlabơar Nơ̆r 'Bok Kei-Dei

²⁹ Tơ noh đei minh pơnhan sik 'nhŭ. Na đe iŏk tơmam thoi tơpu dơyĕn, tŏt 'bơ̆t 'long, djrŭ tơ sik 'nhŭ, klaih kơ noh 'me 'bơ̆t 'bơ̆r Yêsu.

Yo 19:29 Referans Kwoze

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Luka 23:36

Lu linh che bơle kơ Yêsu mơ̆n. Lu sư năm tơ Yêsu pơm ăn kơ Sư sik athei et.

Markôs 15:36

Na đei minh 'nu bơngai kơdâu iŏk tơmam thoi tơpu dơyĕn, djrŭ tơ đak sik 'nhŭ, na kiĕn tơ 'long na tơ'mơn ăn kơ Yêsu hrip. Bơngai ei khan kơ đe: “Bơ̆n gô lăng lăng, hăm 'bôh Êli năm tơjur Sư đơ̆ng 'long pơglang tơpă dah ưh.”

Mathiơ 27:48

Na đei minh 'nu bơngai kơdâu iŏk tơmam thoi tơpu dơyĕn, sư tong tơ đak sik 'nhŭ, kiĕn tơ 'long na tơ'mơn ăn kơ Yêsu hrip.

Le 12:22

Na athei iŏk minh hơchô̆ hla bơngăl, djrŭ lăm pham đe mong lăm kơthao, na pik tơ jrăng 'bar pah 'măng hnam păng jrăng găn kơpơ̆ng, na lăm lu iĕm 'nĕ ăn bơngai bu lĕch tơ 'nguaih kơ 'măng hnam truh tơ pơgê dơning.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Mathiơ 27:34

Lu sư ăn kơ Yêsu et sik bơlŭ hăm pơgang sơmren. Mă-lei Yêsu chŭm đĕch ưh kơ et ôh.

I Pot 4:33

Sư pơma roi tôm lu tơnơm 'long đơ̆ng 'long hơngo tơ Liban truh tơ lu hla 'nhĕt bơmur chăt 'bơ̆t tơnăr, sư kư̆m đei pơma 'bơm trŏ gah sem brem lu sem păr 'bih kơep lep-ler păng lu ka lăm đak.

Mathiơ 27:50

Yêsu ôr pơret dơ̆ng, na pơjao bơhngol Sư kơ 'Bok Kei-Dei kơtĕch jơhngơ̆m hloi.