Yo 18:20 - Sơ̆p Hlabơar Nơ̆r 'Bok Kei-Dei

²⁰ Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Yo 18:20 Referans Kwoze

Yo 7:26

Dang ei Sư oei bơtho 'bơ̆t anăp bơ̆n tơpôl, mă-lei lu kră bơ̆n ưh kơ đei pơm kiơ kơ Sư, noh lu kră bơ̆n băt kơ Sư 'Bok Krist mă gô pơgơ̆r bơ̆n tơpă boih dah kiơ dang ei?

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Êsai 48:16

Lu iĕm athei năm jê̆ Inh păng athei mơ̆ng tơdrong 'nâu: Đơ̆ng blŭng-a Inh ưh tam mă đei pơma ôn. Kơplah đei tơdrong 'noh, Inh oei tơ noh bơih, Dang ei Kră Yang wơh inh năm. Hăm yang bơhngol Sư.

Luka 21:37

Rim năr lăm hơdôm năr noh Yêsu bơtho đe tơ hnam akŭm 'Bok Kei-Dei tơm đơ̆ng pơgê truh kơsơ̆. Tơ kơsơ̆ Sư brŏk 'bĭch tơ pơlei đe tơ kơpal kông Ôliwơ.

Yo 7:4

Dah bơ̆n wă kơ đe băt kơ tơdrong jang bơ̆n, na bơ̆n ưh kơ gơh ôn tơdrong jang bơ̆n ôh. Dah Ih gơh pơm tơdrong mơsêh mơyang tơpă lei Ih athei pơm tơ'bôh 'bơ̆t anăp đe lơ wă kơ đe băt kơ Ih.”

Luka 4:15

Yêsu bơtho tơ lu hnam akŭm đe Galilê na đĭ-đăng bơngai ư-ang kơ Sư.

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Mathiơ 9:35

Yêsu năm chă bơtho tơ rim pơlei tih iĕ, tơ lăm hnam akŭm, bơtho gah tơdrong 'nao 'lơ̆ng 'Bok Kei-Dei wă pơgơ̆r bơ̆n. Păng Sư pơklaih rah dôm tơdrong jĭ jăn kon pơlei pơla pơmat-tat.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Yo 8:26

Inh oei đei lơ tơdrong wă pơma păng iĕm mơ̆n gah tơdrong wă sek tơlang iĕm. 'Bok mă wơh Inh Sư pơma ling-lang tơpăt na Inh kơtơ̆ng Sư pơma thoi yơ, Inh bơtho đe kư̆m thoi noh mơ̆n.”

Yo 8:2

Na pơgê hrôih dơning Yêsu hơloh năm tơ hnam akŭm 'Bok Kei-Dei tơm tơ Pơlei Jêrusalem. Na đĭ-đăng bơngai tơ ei năm mơ̆ng Sư bơtho, na Sư tơoei bơtho lu đe ei.

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Yo 7:14

Lăp tŏk-bŏk năr giĕng ei na Yêsu mơ̆t lăm hnam akŭm 'Bok Kei-Dei tơm, na Sư bơtho đe lăm noh.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.

Jang 26:26

Inh pơma kơ pơtao Agripa ưh kơ đei anat ôh yua kơ sư băt gah tơdrong inh pơma hei. Sư 'bôh păng kơtơ̆ng lu tơdrong noh tơpă yua kơ đe kơtơ̆ng ang lu tơdrong 'noh jơ̆p-jang boih.

Mathiơ 24:26

Dah đe khan kơ iĕm 'Bok Krist jur boih sư oei tơ bri, iĕm 'nĕ kơ năm chă hŏ; păng dah đe khan 'Bok Krist jur boih sư oei ôn akâu sư tơ hnam đe iĕm 'nĕ kơ lui.

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Horiso 22:22

Inh gô ră roi anăn Ih kơ lu 'nhŏng oh inh, Păng bơnê kơ Ih lăm kon pơlei inh.

Markôs 8:32

Yêsu pơma hơdah tơdrong Sư thoi noh. Na Pêtrôs krao Yêsu weh ataih 'biơ̆ na khan kơ Sư: “Ih 'nĕ kơ pơma thoi noh.”

Yo 6:59

Yêsu bơtho tơdrong âu tơ hnam akŭm Pơlei Kapernum.

Yo 18:21

Lơliơ ih jet Inh? Ih jet lu bơngai đêl mơ̆ng Inh bơtho, lu sư băt đĭ boih tơdrong noh.”