Yo 18:13 - Sơ̆p Hlabơar Nơ̆r 'Bok Kei-Dei

¹³ Lu sư năm ba Yêsu tơ Ana. Ana 'noh sư tơnei Kaiphe. Kaiphe pơm 'bok soi tơm lăm sơnăm 'noh.

Yo 18:13 Referans Kwoze

Yo 18:24

Klaih kơ noh Ana wơh đe ba Yêsu năm tơ 'bok soi tơm anăn sư Kaiphe. Ti Yêsu oei chô̆.

Yo 11:51

'Bok Kaiphe pơma tơdrong 'noh ưh kơ sĭ sư pơma kiơ̆ kơ đon sư tơchĕng ôh. Sơnăm noh sơ̆ sư pơm 'bok soi tơm, na 'Bok Kei-Dei ăn kơ sư pơma khan lê̆ hơdrol gah Yêsu wă lôch tang lu bơngai Juđê.

Mathiơ 26:57

Lu đe mă rôp Yêsu ei anhăk Sư tơ 'bok soi tơm, anăn sư Kaiphe. Lu thây bơtho tơdrong juăt đe Juđê hăm lu đe kră sek tơlang akŭm tơ hnam sư noh.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Jang 4:6

Pêng khŭl ei akŭm păng Ana pơm 'bok soi tơm, Kaiphe, Yôhan, Aleksandrê păng đĭ adrĕch đe 'bok soi tơm.

Yo 11:49

Hơtai ei sơ̆ đei minh 'nu 'bok anăn sư Kaiphe. Sơnăm noh sơ̆ sư pơm 'bok soi tơm. Sư kơtơ̆ng thoi noh na sư khan: “Iĕm ưh kơ hlôh tơpă lah iih tơdrong noh.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”