Yo 17:5 - Sơ̆p Hlabơar Nơ̆r 'Bok Kei-Dei

⁵ Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Yo 17:5 Referans Kwoze

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

Yo 10:30

Nhi 'Bă Inh dang minh 'nu akâu đĕch.”

Philip 2:6

Sư Kră Yang atŏ hăm 'Bok Kei-Dei, mă-lei Sư ưh kơ 'mêm ôh tơdrong Sư atŏ hăm 'Bok Kei-Dei noh.

Hêbrơ 1:10

'Bok Kei-Dei khan dơ̆ng kơ Sư thoi âu: “Ơ Kră Yang, blŭng-a sơ̆ Ih pơjing plĕnh pơjing teh, Ih pơjing kơdih ưh kơ đei bu nai pơjing.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Yo 3:13

Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

I Yo 1:2

Nhôn 'bôh Yêsu Krist oei tơ teh âu. Sư boih ăn kơ bơ̆n arih ling-lang păng 'Bok Kei-Dei. Kơlih kơ nhôn 'bôh Sư tơpă na nhôn gơh roi ăn kơ iĕm tơdrong Sư. Sư arih păng 'Bă Sư 'Bok Kei-Dei đơ̆ng blŭng-a sơ̆. Sư arih ling-lang ưh pă layơ lôch. Sư jur tơ ala teh âu păng tơ'bôh kơ nhôn akâu Sư.

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.