Yo 16:17 - Sơ̆p Hlabơar Nơ̆r 'Bok Kei-Dei

¹⁷ Na lu bơngai pơhrăm păng Sư tơjet dih băl: “Sư khan kơ bơ̆n thoi yơ ei khan: ‘Pă 'biơ̆ dơ̆ng iĕm ưh pă 'bôh Inh boih, mă-lei đơ̆ng rŏng kơ noh ưh kơ đunh mơ̆n iĕm 'bôh Inh dơ̆ng?’ Sư khan: ‘Iĕm ưh kơ 'bôh Inh kơlih kơ Inh wă brŏk tơ 'Bă Inh.’

Yo 16:17 Referans Kwoze

Yo 16:16

“Pă 'biơ̆ iĕm ưh pă 'bôh Inh boih. Mă-lei đơ̆ng rŏng kơ noh ưh kơ đunh mơ̆n iĕm 'bôh Inh dơ̆ng.”

Yo 16:5

“Na dang ei Inh wă brŏk tơ 'Bok mă wơh Inh. Mă-lei iĕm ưh kơ đei tơchĕng tơdrong Inh wă brŏk tơ Sư.

Markôs 9:32

Mă-lei lu sư ưh kơ hlôh ôh Yêsu pơma thoi noh păng ưh kơ pơ̆n jet Sư tăm.

Yo 16:19

Yêsu băt kơ lu sư wă jet Sư tơdrong 'noh na Sư khan kơ lu sư thoi âu: “Inh khan pă 'biơ̆ noh, lu iĕm ưh pă 'bôh Inh boih, na đơ̆ng rŏng kơ noh ưh kơ đunh mơ̆n, iĕm gô 'bôh Inh dơ̆ng; hăm trŏ tơdrong noh ưh, iĕm jet dih băl hei?

Yo 14:5

Na Thôm khan: “Ơ 'Bok, nhôn ưh kơ băt Ih năm tơ yơ, thoi yơ nhôn gơh chă trong năm tơ Ih?”

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Luka 18:34

Yêsu pơma tơpăt tơdrong Sư gô lôch tơpă, mă-lei lu bơngai pơhrăm păng Sư ưh kơ hlôh tơdrong Sư pơma noh wă khan kiơ.

Markôs 9:10

Thoi noh na lu sư ôn tơdrong 'noh tơtăm lu sư kơdih. Mă-lei lu sư ưh kơ băt ôh akâu Yêsu gô lôch iung arih noh, na lu sư jet tơduă lu sư wă kơ băt tơdrong Yêsu khan: “Truh Inh Kon Bơngai iung arih đơ̆ng lôch ning-mônh.”

Yo 16:1

“Inh bơtho iĕm tôm tơdrong 'noh wă kơ iĕm huay kơ achăng lê̆ Inh.

Yo 14:22

Juđa mă ưh kơ sĭ Juđa Ikariôt sư jet Yêsu: “Ơ 'Bok, kơlih kơ kiơ Ih tơbăt kơ nhôn akâu Ih, mă lu bơngai ala teh âu Ih ưh kơ tơbăt ăn kơ lu sư?”

Luka 9:45

Mă khan Yêsu pơma hơdah tơdrong noh, lu sư ưh kơ hlôh păng lu sư kư̆m ưh kơ pơ̆n jet Yêsu.

Yo 16:18

Bĭ Sư khan ‘pă 'biơ̆’ ei, Sư khan kiơ? Bơ̆n ưh kơ hlôh Sư pơma kiơ ei.”