Yo 15:24 - Sơ̆p Hlabơar Nơ̆r 'Bok Kei-Dei

²⁴ Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 15:24 Referans Kwoze

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

Yo 5:36

Mă-lei Inh đei minh 'nu tih hloh kơ Yôhan, Sư tơbăt ăn kơ iĕm tơdrong Inh. Na dôm tơdrong mơsêh mơyang đơ̆ng Sư ăn kơ Inh, na Inh bơ̆jang ahrei âu, dôm tơdrong noh wă kơ iĕm băt 'Bă Inh wơh Inh tơpă.

Yo 10:37

Dah Inh ưh kơ pơm tơdrong mơsêh mơyang đơ̆ng 'Bă Inh ăn lei trŏ tơpă iĕm ưh kơ wă lui kơ Inh.

Yo 10:32

Na Yêsu khan hloi: “Iĕm 'bôh Inh pơm lơ tơdrong mơsêh 'lơ̆ng ngăl boih. 'Bă Inh ăn kơ Inh pơm dôm tơdrong noh. Na iĕm wă klơ̆m Inh păng tơmo yua kơ Inh pơm dôm tơdrong 'lơ̆ng mă 'Bă Inh ăn kơ Inh pơm noh hă?”

Yo 9:32

Đơ̆ng blŭng-a sơ̆ 'Bok Kei-Dei pơjing plĕnh păng teh ưh tam đei bu gơh pơklaih bơngai măt tol đơ̆ng nge mĕ sư tơpŭ sơ̆ mă gơh 'bôh hơdah dơ̆ng.

Yo 7:31

Kư̆m đei lơ bơngai mơ'nah lui kơ Sư tơpă. Na lu đe ei khan: “Bơngai âu pơm lơ tơdrong mơsêh mơyang tơpă. Nhôn tơchĕng băt kơ Sư 'Bok Krist tơpă boih âu.”

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Yo 12:45

Păng bơngai bu 'bôh Inh, sư dang 'bôh 'Bă Inh mă wơh Inh mơ̆n.

Yo 6:36

Kư̆m thoi Inh đei khan kơ iĕm boih: Iĕm 'bôh Inh boih mă-lei iĕm ưh kơ wă lui kơ Inh.

Luka 24:19

Na Yêsu jet dơ̆ng: “Tơdrong kiơ kih?” Na bre sư khan: “Tơdrong Yêsu đơ̆ng Pơlei Nasaret, Sư bơngai pơtruh nơ̆r 'Bok Kei-Dei. 'Bok Kei-Dei ăn kơ Sư hơgei tơpă bơtho tơdrong 'Bok Kei-Dei păng ăn kơ Sư gơh pơm lơ tơdrong mơsêh mơyang mơ̆n. Na đĭ-đăng lu kon tơring tơrang wang ư-ang kơ Sư.

Markôs 2:12

Sư iung hloi iŏk anhŭn sư lĕch brŏk 'bơ̆t anăp đe tơpôl lơ. Thoi noh na đĭ-đăng lu bơngai oei kiơ̆ ei 'bôh hlĭch tơpă păng ư-ang kơ 'Bok Kei-Dei khan: “Đơ̆ng sơ̆ bơ̆n tam 'bôh ôh tơdrong thoi âu iih?”

Mathiơ 21:32

Yôhan, sư bơngai bơtho tơdrong 'lơ̆ng tơpăt, sư bơtho truh tơ iĕm tơ âu boih wă kơ iĕm pơm đon 'lơ̆ng tơpăt păng 'Bok Kei-Dei ră, mă-lei iĕm ưh kơ wă chu lui kơ nơ̆r sư bơtho. Lu bơngai iŏk jên thuê̆ păng lu drŏ-kăn pơm đi wih lui hơdrol kơ iĕm dơ̆ng. Iĕm 'bôh lu sư đĭ lui boih lĕ mă-lei iĕm ưh tam chu tơbral 'mơ̆i.”

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Tơdrông Pơđơk 8:36

Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.

Horiso 81:15

Lu bơngai mă hil areh kơ Kră Yang gô chu yom kơ Sư. Tơdrong chu lui kơ Sư oei oei ling-lang.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Yo 12:10

Lu 'bok soi tih chă đon wă pơlôch Lasarơ mơ̆n,

Yo 9:41

Yêsu khan kơ lu sư: “Dah iĕm ưh kơ hlôh tơdrong 'Bok Kei-Dei lei Inh ưh kơ jô̆ kơ iĕm yoch ôh. Sơmă iĕm khan iĕm hlôh tơdrong 'Bok Kei-Dei, mă-lei iĕm ưh kơ wă lui kơ Inh, iĕm pơm thoi noh yoch boih.”

Yo 15:21

Iĕm kiơ̆ Inh na lu sư pơm kơnê̆ kơ iĕm yua kơ lu sư ưh kơ băt kơ 'Bă Inh mă wơh Inh.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Yo 15:23

Bơngai bu hil areh kơ Inh, bơngai 'noh hil areh kơ 'Bă Inh mơ̆n.

Yo 16:9

'Bok Dŏng Mơnat gô tơbăt ăn kơ lu sư đei tơdrong yoch kơlih kơ lu sư ưh kơ lui kơ Inh.