Yo 15:11 - Sơ̆p Hlabơar Nơ̆r 'Bok Kei-Dei

¹¹ “Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Yo 15:11 Referans Kwoze

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Yo 17:13

“Na dang ei Inh wă tŏk oei hơdai păng Ih, mă-lei hơdrol kơ Inh wă tŏk Inh roi kơ Ih dôm nơ̆r âu wă kơ lu sư hiôk chơt tơduă lu sư, kư̆m thoi ba hiôk chơt tơduă ba.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

I Yo 1:4

Nhôn chih kơ iĕm dôm tơdrong lăm kơthơ âu wă kơ đĭ-đăng kơ bơ̆n hiôk hơiă tơpă.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

II Yo 1:12

Inh đei lơ tơdrong nai dơ̆ng wă pơma kơ iĕm, mă-lei inh ưh kơ wă chih pơma kơ iĕm dôm tơdrong noh lăm kơthơ âu ôh. Kơlih kơ ưh pă đunh boih inh wă tơ'bơ̆p iĕm na inh gô bơtho iĕm păng akâu inh kơdih. Thoi noh na bơ̆n chơt hiôk dih băl.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

I Tes 5:16

Năr iĕm chơt hiôk, dah năr iĕm đei tơdrong gleh sơ'ngon iĕm kư̆m athei bơnê kơ 'Bok Kei-Dei mơ̆n, dui jơhngơ̆m mă tai wă kơ huay ơh sơ'ngon. Hăm 'nĕ hiơt krao khan kơ Sư ling-lang. Thoi noh boih 'Bok Kei-Dei wă kơ bơ̆n lui kơ Kon Sư Yêsu Krist.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Luka 15:9

Lăp sư 'bôh boih na sư krao lu bôl buăl sư na khan: ‘Inh hiôk tơpă, jên inh đêl hiong 'bôh boih.’

Philip 1:25

Thoi noh inh băt kơ tơdrong arih inh, 'Bok Kei-Dei ăn arih đunh 'biơ̆, yua kơ Sư wă kơ inh oei hơdai hăm iĕm, wă kơ iĕm rai đunh rai lui kơjăp, rai chơt.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Luka 15:5

Na mưh iĕm chă 'bôh boih iĕm hiôk tơpă, iĕm tôi sư tơ sơngiĕng,

Luka 15:23

Rôp kon rơmo bek bĕ, bơ̆n 'bet sa, wă kơ hiôk chơt,

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Êsai 62:4

Đe ưh pă krao ih Kră Yang hŭt lê̆ dơ̆ng bơih dah ưh pă krao ih teh lê̆ bri juơ dơ̆ng bơih. Mă-lei đe gô krao ih Inh chơt hiôk hăm ih păng krao teh đak ih đei pơkong thoi ŭnh om bơih. Yua kơ Kră Yang chơt hiôk ih păng teh ih gô đei klo.