Yo 14:26 - Sơ̆p Hlabơar Nơ̆r 'Bok Kei-Dei

²⁶ 'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 14:26 Referans Kwoze

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 14:16

na Inh gô apinh 'Bă Inh ăn kơ iĕm minh 'nu dŏng iĕm plơ̆ng dơ̆ng, anăn Sư Yang Bơhngol 'Lơ̆ng. Sư gô tơbăt ăn kơ iĕm tơdrong 'Bă Inh tơpă păng Sư gô oei hơdai hăm iĕm ling-lang.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.

Yo 16:7

Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm.

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Yo 2:22

Thoi noh boih na lăp Yêsu iung arih đơ̆ng lôch, na lu jơ̆ng 'bang Sư 'blŏk hơdơ̆r gah tơdrong Yêsu pơma pơjuang kơ lu bơngai Juđê noh. Lu sư kư̆m lui kơ sơ̆p hla bơar 'Bok Kei-Dei chih khan lê̆ hơdrol, mă Yêsu kư̆m pơma gah akâu Sư kơdih gô iung arih đơ̆ng lôch.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Yo 5:7

Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

Luka 24:49

Inh gô ăn kơ iĕm Yang Bơhngol 'Lơ̆ng kư̆m thoi lĕ 'Bă Inh pơkă wă ăn kơ iĕm mơ̆n. Mă-lei iĕm athei oei tơ Pơlei Jêrusalem khŏm khŏm tơ̆p mă 'bôh Yang Bơhngol 'Lơ̆ng đơ̆ng plĕnh jur tơ iĕm 'mơ̆i, na iĕm jing pran hăm nuih tơpă chă bơtho đe.”

Ju 1:20

Ơ lu 'nhŏng oh mă inh 'mêm kơeng, inh wă kơ iĕm rai đunh rai lui kơjăp dôm tơdrong 'Bok Kei-Dei, tơdrong mă 'lơ̆ng tơpăt. Iĕm athei gơnang kơ Yang Bơhngol 'Lơ̆ng tơgŭm iĕm krao khan.

Hêbrơ 9:8

Tơdrong noh Yang Bơhngol 'Lơ̆ng Sư bơtho kơ bơ̆n wă kơ bơ̆n băt, sơ̆ bơ̆n ưh kơ gơh mơ̆t kơkuh 'bơ̆t anăp 'Bok Kei-Dei tơ anih giĕng tih.

Hêbrơ 3:7

Thoi noh na iĕm athei kiơ̆ kơ nơ̆r Yang Bơhngol 'Lơ̆ng khan sơ̆ thoi âu: “Đơ̆ng âu tơ anăp mưh iĕm kơtơ̆ng nơ̆r Inh pơma,

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

Luka 1:41

Lăp Êlisabet 'bôh Mari kơkuh kơ sư, nge lăm klak sư adrŏ hloi. Na Êlisabet hơloh 'bĕnh blai Yang Bơhngol 'Lơ̆ng,

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

II Tim 1:14

Ih athei wei-lăng dôm tơdrong 'lơ̆ng 'Bok Kei-Dei ăn kơ ih. Yang Bơhngol 'Lơ̆ng oei păng bơ̆n, Sư gô tơgŭm wei-lăng tơdrong jang ih.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 11:16

Na inh 'blŏk kơ nơ̆r Kră Yang Yêsu khan sơ̆: ‘Yôhan pơm kơ iĕm 'batem păng đak, mă-lei 'Bok Kei-Dei gô pơm kơ iĕm 'batem phara, Sư gô ăn kơ iĕm Yang Bơhngol 'Lơ̆ng Sư.’

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Yo 20:22

Đang kơ Sư pơma thoi noh, Yêsu dơhlu hơyuh mơsêh kơ lu bơngai pơhrăm păng akhan: “Sơng iŏk Yang Bơhngol 'Lơ̆ng bĕ.

Yo 6:45

Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Markôs 13:11

Mưh đe rôp iĕm, jao iĕm kơ lu kră sek tơlang, iĕm 'nĕ mah tơchĕng hơdrol kơ tơdrong iĕm wă pơma kơ lu sư noh hŏ, yua kơ đei Yang Bơhngol 'Lơ̆ng tơgŭm iĕm kơplah lăm iĕm wă pơma, ưh kơ sĭ kơ iĕm gơh pơma kơdih ôh.

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Hêbrơ 10:15

Tơdrong 'noh Yang Bơhngol 'Lơ̆ng khan kơ bơ̆n. Hơdrol sư khan thoi âu:

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

II Kor 6:6

nhôn pơm 'lơ̆ng ling-lang, wă kơ đĭ-đăng bơngai băt kơ nhôn bơngai jang 'lơ̆ng jang tơpăt. Nhôn hlôh hlăi tơdrong 'Bok Kei-Dei thoi yơ, nhôn pơm kiơ̆ thoi ei; mă đe pơm kơnê̆ kơ nhôn, nhôn ưh kơ pơm tơwih ôh; nhôn dui jơhngơ̆m tai, wă kơ dim ling-lang. Nhôn gơnang kơ Yang Bơhngol 'Lơ̆ng tơgŭm nhôn pơm 'lơ̆ng. Nhôn bơngai 'mêm kơ bôl buăl tơpă ưh kơ sĭ chă pơpơm đĕch ôh;

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Jang 1:4

Hơtai ei lu sư oei akŭm dih băl, Yêsu khă lu sư: “Iĕm 'nĕ tam jăk đơ̆ng Pơlei Jêrusalem, iĕm athei chang gô Yang Bơhngol 'Lơ̆ng mă đêl 'Bă Inh pơkă gô ăn kơ iĕm kư̆m thoi Inh roi kơ iĕm ki.

Jang 1:2

tơm hmơm truh tơ năr 'Bok Kei-Dei atŏk Sư tơ plĕnh. Hơdrol kơ Sư wă tŏk tơ plĕnh, Yang Bơhngol 'Lơ̆ng ăn kơ Sư bơtho lu jơ̆ng 'bang mă đêl Sư rơih.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Luka 3:22

Yang Bơhngol 'Lơ̆ng thoi lĕ sem kơtơp jur oei tơ Yêsu. Păng kư̆m đei nơ̆r pơma đơ̆ng plĕnh khan: “Ih boih Kon Inh mă 'mêm kơeng tơpă. Inh lăp đon kơ Ih tôm tơdrong.”

Luka 1:67

'Bă sư Sachari 'bĕnh blai Yang Bơhngol 'Lơ̆ng na sư roi lê̆ hơdrol thoi âu:

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Jang 28:25

Na lu sư wă tơklah dih băl brŏk tơ hnam kơdih, lu sư oei pơjah dih băl gah tơdrong Pôl bơtho. Hơdrol kơ lu sư wă brŏk, Pôl khan kơ lu sư thoi âu: “Yang Bơhngol 'Lơ̆ng ăn kơ bơngai pơtruh nơ̆r 'Bok Kei-Dei sơ̆, anăn sư Êsai, khan kơ lu 'bok kơdră bơ̆n sơ̆, na 'blep kơ iĕm ưh kơ lui dang ei.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 13:4

Yua kơ Yang Bơhngol 'Lơ̆ng wơh bre sư năm na bre sư năm hloi tơ Pơlei Sêlusi. Đơ̆ng noh na bre sư tŏk thŏng-nan năm tơ bŏl đak đe anăn Chiprơ.

Jang 7:55

Mă-lei Êtien 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư tơpă. Sư ngoi lăng tơ plĕnh 'bôh ŭnh pơchrang hơdah đơ̆ng 'Bok Kei-Dei. Sư kư̆m 'bôh Yêsu oei gah 'ma kơ 'Bă Sư mơ̆n.

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Mathiơ 1:18

Đe tơpŭ kơ Yêsu sơ̆ thoi âu: Mari sơkơ̆t hăm Yôsep. Adrol kơ bre sư tơoei băl Mari băt akâu sư anăp boih, yua kơ Yang Bơhngol 'Lơ̆ng đơ̆ng 'Bok Kei-Dei ăn kơ sư thoi noh.

Yo 1:33

Hơdrol kơ 'noh ki inh kư̆m tam mă băt kơ Sư mơ̆n, sơmă 'Bok Kei-Dei wơh inh pơm kơ đe 'batem păng đak păng Sư đei khan kơ inh thoi âu: ‘Ih gô 'bôh Yang Bơhngol 'Lơ̆ng jur oei kơpal minh 'nu bơngai, bơngai 'noh boih pơm kơ đe 'batem phara yua kơ Sư ăn Yang Bơhngol 'Lơ̆ng oei hơdai păng kon bơngai.’

Yo 14:25

“Kơplah Inh oei păng iĕm dang ei, Inh athei roi ăn kơ iĕm tôm tơdrong 'noh.