Yo 14:20 - Sơ̆p Hlabơar Nơ̆r 'Bok Kei-Dei

²⁰ Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 14:20 Referans Kwoze

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

I Yo 4:12

Ưh tam đei bu 'bôh 'Bok Kei-Dei, sơmă dah bơ̆n 'mêm mơnat dih băl, 'noh yua kơ 'Bok Kei-Dei oei hơdai păng bơ̆n păng ăn kơ bơ̆n đei đon 'mêm mơnat kư̆m thoi Sư 'mêm mơnat mơ̆n.

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Yo 10:38

Iĕm kuă kơ lui kơ nơ̆r Inh bơtho, mă-lei iĕm athei lui kơ dôm tơdrong mơsêh mơyang Inh pơm krô hmă noh hŏ, yua kơ đơ̆ng 'Bă Inh tơpă. Dah iĕm lui iĕm gô băt tơpă 'Bă Inh oei lăm Inh, nhi 'Bă Inh minh jơhngơ̆m minh đon.”

II Kor 13:5

Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Yo 16:26

Hơtai ei kơnh iĕm krao khan hăm anăn Inh apinh 'Bă Inh ăn tơdrong kiơ kiơ, Inh ưh pă kăl apinh Sư wă tơdŏng iĕm boih,

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

Kôlôsê 1:19

yua kơ 'Bok Kei-Dei ăn kơ Sư tôm tơdrong lei-lăi thoi Sư kơdih.

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Yo 17:11

Na dang ei Inh pă oei tơ ala teh âu dơ̆ng, pôm lu sư đĕch oei tơ teh âu. Inh wă tŏk tơ Ih boih. Ơ 'Bă, Ih 'lơ̆ng tơpăt, apinh Ih yua mơsêh mơyang Ih wei-lăng lu sư mă kơjăp kư̆m thoi Ih pơjao kơ Inh tơdrong mơsêh mơyang. Na apinh Ih wei-lăng lu sư wă kơ lu sư pôm đon, kư̆m thoi ba pôm đon dih băl.

Yo 16:23

“Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Yo 17:7

Dang ei lu sư băt tôm tơdrong Ih pơjao ăn kơ Inh lĕch đơ̆ng Ih ngăl.

II Kor 12:2

Bơngai noh sư kư̆m lui kơ Yêsu Krist. Lăm minh 'măng mơjĭt-puăn sơnăm hơdrol sơ̆, 'Bok Kei-Dei atŏk sư truh tơ anih 'Bok Kei-Dei tơ plĕnh ti, ưh kơ băt atŏk hăm akâu sư hloi, dah atŏk bơhngol sư đĕch; tơdrong noh inh kư̆m ưh kơ băt tơpă, 'Bok Kei-Dei đĕch băt.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

Yo 14:11

Inh wă kơ iĕm lui kơ 'Bă Inh oei lăm Inh, nhi 'Bă Inh minh jơhngơ̆m minh đon. Dah iĕm ưh kơ lui, khan nơ̆r Inh pơma đĕch, lei iĕm athei lui kơ dôm tơdrong mơsêh mơyang mă đêl Inh pơm.