Yo 12:6 - Sơ̆p Hlabơar Nơ̆r 'Bok Kei-Dei

⁶ Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Yo 12:6 Referans Kwoze

Yo 13:29

Yua kơ Juđa wei-lăng kơdŭng jên lu sư, na lu mơ'nah ngêh kơ Yêsu khan kơ sư năm răt tơmam sa, hiă wă sa lăm năr giĕng ei thâu, dah mơnat ăn kơ bơngai dơnuh kơlĕ.

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Ya 2:2

Pơtih gia đei minh 'nu bơngai mơdrŏng 'bot tơkhiĕn maih, hrŭk hơbĕn ao 'lơ̆ng rŏ mơ̆t tơ hnam akŭm iĕm. Đei minh 'nu bơngai dơnuh iĕm 'bôh sư hrŭk hơbĕn ao hiah, sư kư̆m mơ̆t akŭm.

I Tes 5:22

Dah tơdrong glăi iĕm săi tŭk.

Galati 2:10

Lu sư pơma kơ nhi pôm tơdrong athei tơgŭm mơnat kơ lu bơngai dơnuh hin đe Juđê, na inh khan kơ lu sư: “Lăp kơ tơdrong 'noh đơ̆ng sơ̆ inh kư̆m băt tơchĕng ră mơ̆n.”

I Kor 6:10

lu bơngai tơtông, lu bơngai 'nhĕng kơ mŭk tơmam đe, lu bơngai et sik suai, lu bơngai oei hiĕk achơ̆ kơ đe, iĕm 'nĕ ngêh lu sư gơh tŏk oei tơ dêh char 'Bok Kei-Dei ôh.

Yo 10:13

Bơngai ei kơdâu jăk yua kơ sư bơngai jang đĕch, sư ưh kơ 'mêm kơ triu ôh.

Mathiơ 21:13

Sư khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đe krao khan kơ Inh lăm noh,’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam âu thoi lĕ kơ anih hnam đe tơtông klĕ.”

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Tơdrông Pơđơk 29:7

Bơngai tơpăt băt pơm 'lơ̆ng kơ bơngai dơnuh hin; Mă-lei bơngai pơm kơnê̆ ưh kơ đei băt thoi ei ôh.

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Luka 8:3

Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Yo 12:5

“Pơgang 'bâu phu âu kăp pêng-hrĕng hlak jên hu. Lơliơ sư ưh kơ wă tĕch chă jên asong kơ lu bơngai dơnuh hin?”