Yo 12:47 - Sơ̆p Hlabơar Nơ̆r 'Bok Kei-Dei

⁴⁷ Bơngai bu mơ̆ng nơ̆r Inh bơtho, mă-lei sư ưh kơ lui, bơngai 'noh Inh ưh kơ sek tơlang sư ôh; kơlih kơ Inh jur tơ ala teh âu ưh kơ sĭ wă sek tơlang kon bơngai ôh. Inh jur tơ ala teh âu wă pơklaih kon bơngai yoch.

Yo 12:47 Referans Kwoze

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Yo 5:45

“Iĕm khan iĕm lui kơ Môis bơtho, na 'Bok Kei-Dei wă pơklaih iĕm. Mă-lei iĕm ưh kơ lui tơpă ôh yua kơ Môis roi tơdrong Inh tơpă, mă-lei iĕm ưh kơ wă lui kơ Inh. Lăp 'Bă Inh sek tơlang ning-mônh Môis gô jô̆ iĕm bơngai kơchu na Inh huay kơ kăl jô̆ iĕm ôh.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.

Yo 8:26

Inh oei đei lơ tơdrong wă pơma păng iĕm mơ̆n gah tơdrong wă sek tơlang iĕm. 'Bok mă wơh Inh Sư pơma ling-lang tơpăt na Inh kơtơ̆ng Sư pơma thoi yơ, Inh bơtho đe kư̆m thoi noh mơ̆n.”

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Luka 9:56

Đơ̆ng noh na lu sư weh tơ pơlei nai đĕch.

Mathiơ 18:11

Inh Kon Bơngai truh wă pơklaih kon bơngai hiong hiơt kơ 'Bok Kei-Dei.