Yo 12:31 - Sơ̆p Hlabơar Nơ̆r 'Bok Kei-Dei

³¹ Dang ei 'Bă Inh wă sek tơlang tơ ala teh âu, Sư pơpuh yang Satan mă pơgơ̆r teh âu.

Yo 12:31 Referans Kwoze

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

Mathiơ 12:28

Mă tơpă đơ̆ng Yang Bơhngol 'Lơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Êsai 49:24

Hăm gơh plah tơgar iŏk mŭk tơmam đơ̆ng lu bơngai pran kơtang dah gơh pơdrâu iŏk dơ̆ng? Dah dŏng pơklaih bơnă, đơ̆ng lu bơngai nuih kơtang?

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.