Yo 12:27 - Sơ̆p Hlabơar Nơ̆r 'Bok Kei-Dei

²⁷ “Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 12:27 Referans Kwoze

Yo 12:23

Na Yêsu pơma hloi gah tơdrong Sư wă lôch iung arih thoi âu: “Dang ei trŏ năr 'Bok Kei-Dei wă pơư pơang Inh Kon Bơngai tơpă boih.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Yo 13:21

Đơ̆ng rŏng kơ Yêsu roi tơdrong 'noh Sư sơ'ngon tơpă na Sư pơma hơdah hloi gah tơdrong 'noh. Sư khan: “Inh khan kơ iĕm tơpăt, đei minh 'nu lăm lu iĕm wă plơ̆ plĕch kơ Inh.”

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Êsai 38:15

Inh wă pơma kiơ dơ̆ng? Kră Yang pơma hăm inh bơih, na Sư kư̆m gô pơm keh boih tơdrong noh. Đĭ chăl inh arih, inh gô arih sa pơyom, yua kơ lăm jơhngơ̆m chhŭr nuih.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Luka 22:53

Bĭ rim năr Inh oei tơ tŏk-bŏk lu iĕm tơ lăm hnam akŭm tơm, na iĕm kuă kơ kiơ kơ rôp Inh tơ noh lĕ? Mă-lei iĕm oei kiơ̆ kơ yang Satan mă oei pơgơ̆r dôm lu bơngai oei lăm măng mu na trŏ năr iĕm rôp Inh boih.”

Horiso 88:3

Yua kơ bơhngol inh 'bĕnh kơ tơdrong pơmat. Tơdrong arih inh năm wă jê̆ dêh atâu.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Horiso 6:3

Ơ Kră Yang! Bơhngol inh hli tơtăm dêh. Bĭ Ih, ơ Kră Yang! Wă gô dang yơ?

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Mathiơ 26:45

Krao khan đang boih Sư wih dơ̆ng tơ lu bơngai pơhrăm păng Sư na khan: “Iĕm tep pơdơh 'biơ̆ hă? Dang ei truh jơ đe wă rôp Inh Kon Bơngai jao kơ lu bơngai yoch boih.