Yo 12:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai mă oei hơdai păng Yêsu ki, lu sư 'bôh Yêsu tơiung arih Lasarơ đơ̆ng bơsat, na lu sư kư̆m ư-ang roi tơdrong noh kơ bôl buăl nai mơ̆n.

Yo 12:17 Referans Kwoze

Tơdrông Tơ'bôh 1:2

Na Yôhan chih roi tơpă dôm tơdrong mă đêl sư 'bôh noh; 'nâu boih tơdrong mă 'Bok Kei-Dei ăn kơ Yêsu Krist tơ'bôh kơ sư.

Jang 5:32

Nhôn 'bôh tơpă lu tơdrong noh na roi kơ iĕm. Yang Bơhngol 'Lơ̆ng kư̆m tơbăt ăn kơ nhôn tơdrong noh mơ̆n yua kơ 'Bok Kei-Dei ăn Yang Bơhngol 'Lơ̆ng kơ đĭ-đăng bơngai chu lui kơ Sư.”

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Yo 12:9

Thoi noh na lơ bơngai Juđê kơtơ̆ng ang khan Yêsu oei tơ Pơlei Bethani, na lu sư năm tơ ei. Lu sư năm tơ ei wă kơ 'bôh Yêsu păng wă kơ 'bôh akâu Lasarơ mă Yêsu tơiung arih sư đơ̆ng lôch.

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Yo 11:31

Lu bơngai Juđê mă năm hơpong kơ bre Mathê, lu sư oei lăm hnam ei mơ̆n. Lăp lu sư 'bôh Mari iung năm tơkan tơ Yêsu, lu sư iung kiơ̆ hloi. Lu sư ngêh kơ Mari năm nhơ̆m tơ bơsat.

Yo 1:34

Inh 'bôh tơpă Yang Bơhngol 'Lơ̆ng jur oei kơpal minh 'nu bơngai, na inh khan kơ iĕm tơpăt, bơngai 'noh boih Kon 'Bok Kei-Dei tơpă.”

Yo 1:32

Yôhan roi kơ đe thoi âu: “Inh 'bôh Yang Bơhngol 'Lơ̆ng jur đơ̆ng plĕnh thoi sem kơtơp jruh kơpal Sư.

Yo 1:19

Bơngai Juđê wơh lu 'bok soi păng lu bơngai Lêwi mă jang lăm hnam akŭm 'Bok Kei-Dei tơm năm đơ̆ng Pơlei Jêrusalem tơ Pơlei Bethani pah to krong Jôrđăn wă jet lăng Yôhan. Chă Yôhan 'bôh boih na jet thoi âu: “Ih bu mă tơpă?”