Yo 11:49 - Sơ̆p Hlabơar Nơ̆r 'Bok Kei-Dei

⁴⁹ Hơtai ei sơ̆ đei minh 'nu 'bok anăn sư Kaiphe. Sơnăm noh sơ̆ sư pơm 'bok soi tơm. Sư kơtơ̆ng thoi noh na sư khan: “Iĕm ưh kơ hlôh tơpă lah iih tơdrong noh.

Yo 11:49 Referans Kwoze

Yo 11:51

'Bok Kaiphe pơma tơdrong 'noh ưh kơ sĭ sư pơma kiơ̆ kơ đon sư tơchĕng ôh. Sơnăm noh sơ̆ sư pơm 'bok soi tơm, na 'Bok Kei-Dei ăn kơ sư pơma khan lê̆ hơdrol gah Yêsu wă lôch tang lu bơngai Juđê.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Jang 4:6

Pêng khŭl ei akŭm păng Ana pơm 'bok soi tơm, Kaiphe, Yôhan, Aleksandrê păng đĭ adrĕch đe 'bok soi tơm.

Tơdrông Pơđơk 26:12

Ih hăm 'bôh minh 'nu bơngai khan kơ sư kơdih bơngai hlôh wao, Bơngai kơtul bơlŭk oei đei hơmĕng hloh kơ sư.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.