Yo 11:45 - Sơ̆p Hlabơar Nơ̆r 'Bok Kei-Dei

⁴⁵ Lu bơngai Juđê mă kiơ̆ Mari hei, lu sư 'bôh Yêsu tơiung arih Lasarơ na đei lơ mơ̆n lu sư lui kơ Yêsu.

Yo 11:45 Referans Kwoze

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Yo 12:42

Mă-lei kư̆m đei lơ mơ̆n lu kră pơm tih lăm dêh Juđê lui kơ Yêsu. Mă-lei lu sư ưh kơ roi kơ đe tơdrong sư lui ôh, kơlih kơ lu sư hli kơ lu bơngai Pharisi băt kơ lu sư lui, na bơngai Pharisi ưh kơ ăn mơ̆t akŭm lăm hnam akŭm 'Bok Kei-Dei.

Yo 11:31

Lu bơngai Juđê mă năm hơpong kơ bre Mathê, lu sư oei lăm hnam ei mơ̆n. Lăp lu sư 'bôh Mari iung năm tơkan tơ Yêsu, lu sư iung kiơ̆ hloi. Lu sư ngêh kơ Mari năm nhơ̆m tơ bơsat.

Yo 10:41

Đei lơ bơngai năm tơ Yêsu tơ ei. Lu sư khan: “Yôhan ưh kơ pơm tơdrong mơsêh mơyang ôh, mă-lei sư khan tôm tơdrong gah Yêsu trŏ tơpă.”

Yo 7:31

Kư̆m đei lơ bơngai mơ'nah lui kơ Sư tơpă. Na lu đe ei khan: “Bơngai âu pơm lơ tơdrong mơsêh mơyang tơpă. Nhôn tơchĕng băt kơ Sư 'Bok Krist tơpă boih âu.”

Le 14:31

Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.