Yo 11:28 - Sơ̆p Hlabơar Nơ̆r 'Bok Kei-Dei

²⁸ Đang kơ pơma thoi noh Mathê năm krao oh sư Mari. Sư khan kơ oh sư kơdrô̆ bre sư thoi âu: “'Bok Thây truh tơ âu boih păng Sư wă kơ e.”

Yo 11:28 Referans Kwoze

Yo 13:13

Iĕm krao Inh 'Bok Thây iĕm păng Yŏng iĕm. Iĕm krao Inh thoi noh bưh mơ̆n yua kơ Inh 'Bok Thây iĕm păng Yŏng iĕm tơpă.

Yo 11:20

Lăp Mathê kơtơ̆ng ang đe khan Yêsu wă jê̆ truh tơ bre sư, na Mathê năm tơkan hloi tơ Sư. Gah Mari oei lăm hnam.

Markôs 10:49

Na Yêsu dơ̆ng păng khan: “Krao sư tơ âu.” Đe năm krao bơngai măt tol ei khan: “Ih 'nĕ pă sơ'ngon. Iung bĕ, Yêsu krao ih tơ to.”

Yo 21:7

Bơngai pơhrăm păng Yêsu mă Sư 'mêm kơeng tơpă, sư khan kơ Pêtrôs: “'Noh Kră Yang bơ̆n Yêsu.” Lăp Pêtrôs kơtơ̆ng thoi noh boih na sư hrŭk ao sư hloi, yua kơ kơplah sư oei traih jal hei sư ưh kơ hrŭk ao. Hrŭk ao đang boih na sư kơtah hloi tơ đak năm tơkan hloi tơ Yêsu. Thŏng-nan ataih kơ jih đak ei dang minh-hrĕng thưk.

Yo 20:16

Klaih kơ noh Yêsu khan kơ sư dơ̆ng: “Ơ Mari.” Mari hue 'bôh hloi păng khan hăm nơ̆r Juđê: “Rabôni.” Rabôni wă khan 'bok thây.

Yo 10:3

Na bơngai gak 'măng pơih ăn kơ tơ'ngla sư 'măng hloi. Mă triu kư̆m kơnăl kơ 'bơ̆r tơ'ngla sư mơ̆n. Na tơ'ngla sư krao tôm kơ anăn lu sư, na tơlĕch lu sư kiơ̆ tơ'ngla sư lĕch tơ 'ngoaih.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Luka 22:11

Na biĕm apinh tơ'ngla hnam noh thoi âu: ‘'Bok Thây athei nhi jet ih, tơ yơ anih Sư wă sŏng sa kơ Năr Giĕng Năm Brih, lu bơngai pơhrăm păng Sư kư̆m wă sŏng sa hơdai hăm Sư mơ̆n?’

Markôs 14:14

Sư mơ̆t tơ hnam ayơ, biĕm mơ̆t kiơ̆ sư tơ noh hloi mơ̆n. Na biĕm apinh tơ'ngla hnam noh thoi âu: ‘'Bok Thây athei nhi jet ih, tơ yơ anih Sư wă sŏng sa kơ Năr Giĕng Năm Brih, lu bơngai pơhrăm păng Sư kư̆m wă sŏng sa hơdai hăm Sư mơ̆n?’

Mathiơ 26:18

Na Yêsu athei lu sư năm tơ minh 'nu bơngai ei tơ Pơlei Jêrusalem na khan kơ sư thoi âu: “'Bok Thây khan wă jê̆ truh năr Sư boih, na lu nhôn bơngai pơhrăm păng Sư wă hơmet tơmam sa Sư pơrŏ kơ Năr Giĕng Năm Brih tơ hnam ih.”

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

Yo 11:29

Mari kơtơ̆ng thoi noh boih na sư iung tơkan năm tơ Yêsu.

Yo 11:30

Yêsu tam mă mơ̆t tơ pơlei ôh. Sư oei 'bơ̆t jih pơlei đêl anih Mathê tơ'bơ̆p Sư hei.