Yo 11:25 - Sơ̆p Hlabơar Nơ̆r 'Bok Kei-Dei

²⁵ Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 11:25 Referans Kwoze

I Tes 4:14

Bơ̆n băt kơ Yêsu iung arih boih păng bơ̆n kư̆m băt dôm lu bơngai lui kơ Sư mă lôch boih 'Bok Kei-Dei ăn kơ lu sư gô jur hơdai Yêsu ning-mônh.

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Yo 6:44

'Bă Inh athei Inh truh tơ âu, na ưh kơ đei bu truh tơ Inh ôh, dah 'Bă Inh ưh kơ ăn lu sư truh. Bơngai bu mă 'Bă Inh ăn truh tơ Inh, lu bơngai 'noh đĕch truh tơ Inh, na Inh gô tơiung arih lu sư năr tôch ning-mônh.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”

Philip 3:10

Inh wă gơnang kơ Sư đĕch, Sư mơsêh mơyang tơpă, Sư iung arih đơ̆ng lôch boih. Yua kơ thoi noh na inh chu iŏk tơdrong pơmat, chu iŏk tơdrong lôch thoi Sư. Tơdrong lôch wă khan tơdrong so inh lê̆ đĭ boih, ưh pă 'bơ'blŏk dơ̆ng.

Tơdrông Tơ'bôh 20:5

Lu sư noh iung arih mă mônh adrol kơ bơngai nai. Gah lu bơngai nai, lu sư ưh kơ iung arih ôh. Dĭng tôch kơ minh-rơbâu sơnăm ei 'mơ̆i gơh.

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

Yo 14:19

Pă 'biơ̆ dơ̆ng lu bơngai tơ ala teh âu ưh pă 'bôh Inh boih. Pôm lu iĕm đĕch 'bôh Inh. Inh gô oei hơdai hăm 'Bă Inh arih ling-lang, lu iĕm gô arih ling-lang thoi noh mơ̆n.

Êsai 38:16

Ơ Kră Yang, kon bơngai arih yua kơ đơ̆ng tơdrong ih 'nâu. Bơhngol inh arih kư̆m yua kơ tơdrong noh! Ih pơklaih inh, ăn kơ inh arih.

Philip 1:23

Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Luka 23:43

Yêsu khan kơ sư: “Inh khan kơ ih tơpă, năr âu hloi boih ih gô oei hơdai păng Inh tơ Pơlei 'Lơ̆ng 'Bok Kei-Dei.”

I Kor 15:29

Bĭ tơdrong âu dơ̆ng, lu bơngai mă iŏk 'batem boih, lu sư wă iŏk tang lu bơngai lui mă lôch boih ưh kơ tam iŏk 'batem, na dah lu bơngai lôch ưh kơ iung arih lei lơliơ sư wă iŏk 'batem tang lu bơngai lôch?

I Kor 15:18

Păng mă lu bơngai lui kơ Yêsu Krist, lu sư lôch boih, lu sư kư̆m hơdai hiong hiach mơ̆n.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.