Yo 11:24 - Sơ̆p Hlabơar Nơ̆r 'Bok Kei-Dei

²⁴ Mathê khan: “Inh băt mơ̆n sư gô iung arih năr tôch ning-mônh.”

Yo 11:24 Referans Kwoze

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Yo 6:39

'Bă Inh mă wơh Inh Sư wă kơ Inh huay kơ tơhiong dôm lu bơngai mă Sư pơjao ăn kơ Inh. Na truh năr tôch ning-mônh Inh gô tơiung arih lu sư.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 11:23

Na Yêsu khan kơ sư: “'Nhŏng ih gô iung arih dơ̆ng.”