Yo 10:34 - Sơ̆p Hlabơar Nơ̆r 'Bok Kei-Dei

³⁴ Yêsu khan kơ lu sư: “Lăm sơ̆p hla bơar 'Bok Kei-Dei đei chih khan, 'Bok Kei-Dei anăn lu kơdră bơ̆n sơ̆ khan sư kư̆m dang yang mơ̆n.

Yo 10:34 Referans Kwoze

Le 7:1

Kră Yang pơma hăm Môis khan: Lăng, Inh pôk ih nhen thoi Kră Yang 'Bok Kei-Dei kơ Pharaôn, na Arôn 'nhŏng ih gô thoi bơngai khan lê̆ adrol ăn kơ ih.

Horiso 82:1

Kră Yang 'Bok Kei-Dei oei lăm khŭl akŭm tơ plĕnh ti. Sư sek tơlang kơ lu yang.

Le 4:16

'Noh boih sư gô pơma hăm kon pơlei tơplih kơ ih, yua pơm 'bơ̆r ih, na ih gô nhen thoi Kră Yang 'Bok Kei-Dei kơ sư noh mơ̆n.

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

Le 22:28

Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Yo 8:17

Lăm tơdrong juăt iĕm, đei chih thoi âu: Dah đei bơngai đe wă sek tơlang, bơngai đe wă sek tơlang noh sư athei đei 'bar 'nu pơma bơ̆ng sư 'mơ̆i wă kơ đe băt sư pơma tơpăt dah ưh.

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

I Kor 14:21

Lăm sơ̆p hla bơar 'Bok Kei-Dei khan boih thoi âu: “Inh wơh lu bơngai tơmoi yua nơ̆r lu sư kơdih bơtho pơđep lu bơngai Isơrael tơgŭm inh, mă-lei lu bơngai Isơrael kư̆m ưh kơ chu 'mơ̆i.”

Yo 10:35

Bơ̆n băt sơ̆p hla bơar 'Bok Kei-Dei pơma trŏ tơpăt, na 'Bok Kei-Dei khan kơ lu kơdră bơ̆n mă Sư ăn jang tơdrong Sư sơ̆ khan sư dang yang.