Ya 5:15 - Sơ̆p Hlabơar Nơ̆r 'Bok Kei-Dei

¹⁵ Yua kơ lu sư krao khan gơnang kơ Kră Yang tơpă, na Kră Yang gô pơklaih tơdrong jĭ jăn bơngai noh ăn kơ sư 'lơ̆ng akâu dang đêl; mă sư pơm yoch 'Bok Kei-Dei kư̆m mơnat pơklaih yoch sư mơ̆n.

Ya 5:15 Referans Kwoze

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Ya 1:6

Mă-lei bơ̆n athei lui kơ tơdrong bơ̆n krao khan noh gô đei tơpă, na Sư 'maih tơgŭm. Tơ̆ng bơ̆n tơchĕng ưh kơ ngêh kơ đei, thoi noh 'Bok Kei-Dei ưh kơ wă tơgŭm bơ̆n ôh. Bơngai tơchĕng thoi noh sư dang lĕ kơ đak dơsĭ kial dơhlu,

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Êsai 33:24

Kon pơlei pơla gô ưh pă đei pơma bơih khan: “Inh jĭ bơlŏ” Lu kon pơlei oei tơ noh gô đei tơdrong mơnat ăn kơ tơdrong yoch lu sư.

Yo 5:14

Đơ̆ng rŏng kơ noh Yêsu 'bôh bơngai Sư pơklaih noh tơ lăm hnam akŭm 'Bok Kei-Dei tơm na Yêsu khan kơ sư thoi âu: “Dang ei ih klaih boih, ih 'nĕ pă pơm yoch dơ̆ng, kơnh ih pŭ tơdrong trăp hloh kơ noh.”

Yo 6:39

'Bă Inh mă wơh Inh Sư wă kơ Inh huay kơ tơhiong dôm lu bơngai mă Sư pơjao ăn kơ Inh. Na truh năr tôch ning-mônh Inh gô tơiung arih lu sư.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

Ya 5:20

bơngai noh 'lơ̆ng tơpă băt 'mêm kơ bôl sư jrok trong pơlung bôl sư wih lui dơ̆ng kơ 'Bok Kei-Dei. Na 'Bok Kei-Dei gô pơklaih bôl sư mă jrok trong noh đơ̆ng tơdrong lôch pơmat huay kơ jô̆ yo dôm tơdrong sư pơm yoch.