Ya 2:3 - Sơ̆p Hlabơar Nơ̆r 'Bok Kei-Dei

³ Na iĕm lăp đon kơ bơngai mơdrŏng mă hrŭk hơbĕn ao 'lơ̆ng rŏ na iĕm khan kơ sư khan: “Apinh ih ngôi tơ anih 'lơ̆ng âu bĕ.” Mă gah bơngai dơnuh iĕm khan: “Dơ̆ng 'bơ̆t e noh, dah tơoei 'bơ̆t hơdrơh noh.”

Ya 2:3 Referans Kwoze

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Tơdrông Pơđơk 18:23

Bơngai dơnuh apinh tơdrong mơnat; Lu bơngai mơdrŏng hơrăk tơnat tơl tơwih.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Ya 2:2

Pơtih gia đei minh 'nu bơngai mơdrŏng 'bot tơkhiĕn maih, hrŭk hơbĕn ao 'lơ̆ng rŏ mơ̆t tơ hnam akŭm iĕm. Đei minh 'nu bơngai dơnuh iĕm 'bôh sư hrŭk hơbĕn ao hiah, sư kư̆m mơ̆t akŭm.