Tơdrông Tơ'bôh 9:2 - Sơ̆p Hlabơar Nơ̆r 'Bok Kei-Dei

² Lăp sơnglŏng ei iŏk khuă pơih 'măng sơlŭng jrŭ noh boih, na đei hloi 'nhui tŏk đơ̆ng sơlŭng noh tơ plĕnh kơŭl hyôi thoi đơ̆ng tơnuh ŭnh tih, măt 'năr anê̆ rơwơ̆ng mah glĭp măng mu.

Tơdrông Tơ'bôh 9:2 Referans Kwoze

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Bl 19:28

Sư tơmang lăng tơ gah Sôđôm păng Gômôrơ păng đĭ-đăng tơ lăm thŭng, lăng 'bôh 'nhui đơ̆ng teh, 'nhui nhen lĕch đơ̆ng tơnuh ŭnh tih.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Jang 2:19

Inh gô pơm tơdrong hlĭch hlăch tơ kơpal plĕnh, hăm tơ'bôh tơdrong pha tơ ala teh; 'noh lu pham, ŭnh hăm 'nhui.

Jôel 2:30

Inh gô tơ'bôh ăn dôm tơdrong hlĭch chrơp tơ kơpal plĕnh ti păng kơpal teh đak âu, noh wă khan ŭnh, pham, păng lu jrăng 'nhui ŭnh.

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Tơdrông Tơ'bôh 14:11

Na ŭnh mă pơmat lu sư noh đei 'nhui tŏk ling-lang ưh kơ đei pơdơh. Lu bơngai mă kơkuh kơ sem păng rup sem noh păng chu ăn kơ sem noh chơ̆m đŏng yâu sư, lu bơngai noh lu sư pơmat măng năr, pă đei hiôk hơya tŏ sĕt 'biơ̆.”

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Bl 15:17

Kơplah măt 'năr mơ̆t boih, glĭp kơmăng mu truh na đei minh pôm tơnuh ŭnh tih lĕch 'nhui păng đei pla ŭnh soh dơhlông tơ lu kon sem mă đei blah noh hei.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.

Tơdrông Tơ'bôh 9:17

Lăm tơdrong mă tơ'bôh kơ inh noh, inh đei 'bôh lu linh hao aseh ei tă hrŭk ao mam 'brê thoi pla ŭnh, 'nhui ŭnh, tơmo ŭnh dreng. Kơ̆l aseh ei thoi kơ̆l dăm-brang; sư đei pla ŭnh, 'nhui ŭnh păng tơmo ŭnh dreng lĕch 'nhui 'bâu chhok hơ̆-hang, kon bơngai hơ'nơ̆k lôch yua kơ sư pruih tơlĕch đơ̆ng 'bơ̆r sư.

Da 3:6

Lu đe bu mă ưh kơ drap kơkuh, đe gô klơ̆m lê̆ sư tơ lăm ŭnh kơdơ̆r to.

Tơdrông Tơ'bôh 9:1

Lăp linh jang 'lơ̆ng mă pơđăm hlôm keng, inh 'bôh minh pôm sơnglŏng đơ̆ng plĕnh đêl huŏng tơ teh. Đe ăn kơ sơnglŏng noh khuă wă pơih 'măng sơlŭng jrŭ.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.

Tơdrông Tơ'bôh 16:10

Linh jang mă pơđăm tuh đak pơgang đơ̆ng pơnhan sư tơ kơpal tang-dŏ sem brem mă kơnê̆ ei, na jơ̆p kơ teh đak sem ei pơgơ̆r jing măng mu. Đĭ-đăng kon bơngai nhơ̆m hmoi tơkăp hơpiĕt kơdih kơdih yua kơ lu sư jĭ dêh trŏ hơkăm pơgang noh.