Tơdrông Tơ'bôh 6:12 - Sơ̆p Hlabơar Nơ̆r 'Bok Kei-Dei

¹² Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 6:12 Referans Kwoze

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 3:15

Măt 'năr măt khei jing măng mu, lu sơnglŏng pă hơdah dơ̆ng.

Am 8:9

Kră Yang khan: Lăm năr noh gô đei tơdrong truh, inh gô pơm ăn kơ măt 'năr mơ̆t kơplah măt 'năr dơ̆ng păng pơm kơ teh măng mu kơplah 'năr oei đei.

Tơdrông Tơ'bôh 16:18

Klaih kơ noh na đei hloi grơ̆m aru 'mi pru sơaih glaih tơdrăng păng đei teh adrŏ tơtơ̆ng krưp dêh; đơ̆ng kon bơngai pơtơm oei tơ teh sơ̆ khơ̆ năr noh kơnh ưh tam kơtơ̆ng teh adrŏ krưp dang noh.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Êsai 50:3

Inh pơhrŭk ăn kơ plĕnh hăm tơdrong măng mu, păng klơ̆p gom lê̆ sư hăm minh blah 'bi.”

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Tơdrông Tơ'bôh 8:5

Klaih kơ noh sư kep iŏk ŭnh ngar đơ̆ng chơnang soi tah lăm kơlăm maih klơ̆m hloi tơ teh, na đei grơ̆m glaih tơdrăng kơmlat kơchêr kơchar păng đei teh adrŏ mơ'nưt mơ'nat.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Markôs 15:33

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Mathiơ 28:2

Na teh adrŏ mơ'nưt mơ'nat hloi, yua kơ linh jang 'lơ̆ng Kră Yang jur đơ̆ng plĕnh pơih ăn 'măng bơsat Yêsu. Linh jang ei tơoei kơpal tơnglơ̆p tơmo noh.

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Mathiơ 27:45

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Tơdrông Tơ'bôh 8:12

Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.

Tơdrông Tơ'bôh 16:8

Klaih kơ noh linh jang 'lơ̆ng mă puăn tuh đak pơgang sư tơ măt 'năr, pơm kơ măt 'năr tŏ phang hơnơ̆ng hơnong wă kơ tŏ sa pơmat kon bơngai.