Tơdrông Tơ'bôh 4:7 - Sơ̆p Hlabơar Nơ̆r 'Bok Kei-Dei

⁷ Sem mă mônh hơbŏ sư thoi dăm-brang, sem mă 'bar hơbŏ sư thoi rơmo, mă pêng muh măt sư thoi bơngai, sem mă puăn hơbŏ sư thoi sem klang păr kơpal plĕnh.

Tơdrông Tơ'bôh 4:7 Referans Kwoze

Êsêkiên 10:14

Rim kơ chêrubim đei puăn tŏ muh măt; mă minh muh măt chêrubim, mă 'bar muh măt bơngai, mă pêng muh măt dăm-brang, mă puăn muh măt sem klang.

Êsêkiên 1:10

Muh măt lu sư thoi âu: Rim kơ lăm puăn tŏ noh đei muh măt thoi kon bơngai, rim lăm puăn tŏ noh đei muh măt dăm-brang gah 'ma; rim lăm puăn tŏ noh đei muh măt rơmo gah 'ngiĕo; păng rim lăm puăn tŏ noh đei muh măt sem klang.

Êsêkiên 10:21

Rim chêrubim đei puăn pah muh măt păng puăn pah pơnăr, ala kơ lu pơnăr đei hơbŏ thoi ti kon bơngai.

Tơdrông Tơ'bôh 4:6

'Bơ̆t anăp tang-dŏ 'Bok Pơtao ei kư̆m đei đak, mă thoi đak dơsĭ hlăng chơchơr thoi getchai thoi amĭl. Tăp dăr kơ tang-dŏ 'Bok Pơtao ei, đei puăn anăn lu sem brem. Lu sư đei klong măt rŏng anăp lơlap.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Êsêkiên 1:8

Ala kơ pơnăr, puăn pah đei ti bơngai, rim tŏ kon sem đei puăn tŏ muh măt păng puăn tŏ pơnăr.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Ob 1:4

Mă iĕm păr kơjung thoi sem klang, mă ih pơm tơpu lăm lu sơnglŏng, Inh gô tơlơ̆ ih huŏng đơ̆ng noh tơ teh Kră Yang khan thoi noh!

Tơdrông Pơđơk 28:2

Dêh char pơm kơnê̆, na đei lơ lu bơngai pơgơ̆r; Mă-lei bơngai hlôh wao na pơgơ̆r dêh char gei oei kơjăp đunh.

II Sam 1:23

Ôi pơtao Sôl hăm Jônathan trŏ kơ 'mêm gĭt tơpă! Mă oei arih truh tơ lôch kư̆m ưh kơ đei achăng băl: Măr sư hơbĕch hloh kơ Klang pran hloh kơ Dăm-brang!

Bl 49:9

Juđa jơ̆ dăm-brang mơlôh; Ơ dăm! E đei rôp bơnă na anhăk ba brŏk, Sư sơtơ̆p kŭl-tăng, thoi dăm-brang tơno drum. Thoi dăm-brang akăn; hăm đei bu pơ̆n tơiung?

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

Jo 23:24

To, đei minh khŭl kon pơlei iung thoi dăm-brang akăn, Păng iung dang dơ̆ng thoi dăm-brang tơno; Dĭng truh tơ đei rôp sa kon sem na mă drum, Păng huch sa pham lu kon sem mă đêl lu sư rôp sa.

Tơdrông Tơ'bôh 6:3

Kon Triu hek tơdra mă 'bar, inh kơtơ̆ng anăn sem mă 'bar krao bơngai hao aseh 'brê, sư khan: “Tơ âu bĕ.”

Tơdrông Tơ'bôh 6:5

Inh 'bôh Kon Triu hek dơ̆ng tơdra mă pêng. Na inh kơtơ̆ng anăn mă pêng khan thoi âu: “Tơ âu bĕ.” Na đei minh 'nu bơngai hao aseh găm chĕp kĭ năm tơ sư. Kĭ noh wă tơbăt ăn kơ kon bơngai gô đei tơdrong pơngot rơwĕt.

Tơdrông Tơ'bôh 6:7

Kon Triu hek dơ̆ng tơdra mă puăn, inh kơtơ̆ng anăn sem mă puăn sư khan thoi âu: “Tơ âu bĕ.”