Tơdrông Tơ'bôh 3:4 - Sơ̆p Hlabơar Nơ̆r 'Bok Kei-Dei

⁴ Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.

Tơdrông Tơ'bôh 3:4 Referans Kwoze

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.

Tơdrông Tơ'bôh 6:11

Đơ̆ng noh đe ăn rim 'nu kơ lu sư ao tai kok păng khan kơ lu sư thoi âu: “Gô 'biơ̆, gô tôm kơ lu bơngai mă trŏ kơ lôch thoi iĕm năm ră roi tơdrong 'Bok Kei-Dei, lu sư lôch 'mơ̆i, na phak lu bơngai mă pơlôch iĕm noh.”

Bôk Bơthô 9:8

Mă layơ ih kư̆m athei hrŭk hơbĕn ao kok 'nao ling-lang thoi năr et sa tih păng 'nĕ hiơt pik pơgang 'bâu phu kơpal kơ̆l ih.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 4:4

Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Markôs 16:5

Lu sư mơ̆t lăng lăm bơsat 'bôh minh 'nu bơngai tơdăm hrŭk ao tai kok tơoei gah 'ma, na lu sư hli.

Luka 20:35

mă-lei lu bơngai mă 'Bok Kei-Dei pơklaih sư, ăn sư gơh iung arih ning-mônh, lu sư ưh pă tơiŏk dih băl dơ̆ng boih.

Mathiơ 10:11

“Iĕm truh tơ pơlei ayơ, mă pơlei tih iĕ, iĕm jet lăng tơ ei bơngai bu 'lơ̆ng na iĕm oei hloi tơ hnam bơngai noh truh tơ năr iĕm wă năm tơ pơlei nai.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

II Tes 1:5

Bơ̆n đei tơdrong gleh đe areh kơ bơ̆n kơlih kơ bơ̆n wă mơ̆t tơ dêh char Sư, mă-lei bơ̆n khŏm adrin lui 'mơ̆i; thoi noh, bơ̆n băt kơ 'Bok Kei-Dei sek tơlang tơpăt, Sư jô̆ lu bơ̆n âu boih trŏ kơ wă mơ̆t tơ lăm dêh char Sư.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Horiso 68:14

Kră Yang mơsêh mơyang pran kơtang pơpuh lu pơtao tơ noh; Thoi prĕl jur tơ kông Salmôn.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 59:6

Wai dŭng ưh kơ gơh yua pơm ao, lu sư ưh kơ gơh hrŭk hăm tơmam wai dŭng. Tơdrong jang lu sư jơ̆ tơdrong kơnê̆ tơpă, ti lu sư pơm tơdrong tơblah tơblŭng.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Lêwi 13:48

tơ brai tơdơ̆ng dah brai tơnanh, b tơ ao sŏk triu dah ao che, dah tơmam kiơ hăm akar.