Tơdrông Tơ'bôh 21:12 - Sơ̆p Hlabơar Nơ̆r 'Bok Kei-Dei

¹² Pơlei ei đei dur tih kơjung păng đei mơjĭt-'bar tŏ 'măng. Rim kơ 'măng đei minh 'nu linh jang 'lơ̆ng gak; tơ 'măng noh đe chih mơjĭt-'bar khŭl adrĕch adrung lu bơngai Isơrael.

Tơdrông Tơ'bôh 21:12 Referans Kwoze

Tơdrông Tơ'bôh 21:25

Pơlei noh pơchoh 'măng ling-lang ưh kơ đei tang thoi pơlei đe tơ ala teh, yua kơ ưh kơ đei măng mu tŏ sĕt, sư hơdah ling-lang.

Êsai 54:12

Inh gô iŏk tơmo gôh gĭt pơm hnam thôt, iŏk tơmo gĭt rang pơm rim 'măng jang ih păng đĭ-đăng dur ih tă pơm păng tơmo gĭt ngăl.

Horiso 122:7

Ăn kơ tơdrong hiôk-hian oei tơ lăm kơ lu dur ih. Tơdrong hiôk chơt tơ lăm hnam pơtao ih.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Luka 16:22

Đơ̆ng rŏng kơ noh bơngai dơnuh ei lôch, na linh jang 'lơ̆ng 'Bok Kei-Dei atŏk sư tơ kơpal plĕnh ti. Sư oei jê̆ Abraham 'bơ̆t lu sư oei sŏng sa tơ plĕnh ti. Bơngai mơdrŏng ei kư̆m lôch mơ̆n na đe 'bŭ sư.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Le 28:21

Gô đei đĭ-đăng mơjĭt-'bar găr, kiơ̆ kơ lu anăn kon drŏ-nglo Isơrael; tơ kơpal rim kơ găr tơmo rang 'noh đe chrek anăn minh 'nu lăm mơjĭt-'bar adrĕch adrung lu kon drŏ-nglo Isơrael, nhen thoi đe pơm tơmam tơdra kơtĭt 'noh.

Tơdrông Tơ'bôh 21:13

Gah 'năr lĕch đei pêng tŏ 'măng, gah yă-nơ̆m pêng tŏ 'măng, gah gơal pêng tŏ 'măng, gah 'năr mơ̆t kư̆m đei pêng tŏ 'măng.

Tơdrông Tơ'bôh 21:15

Linh jang mă pơma hăm inh ei sư chĕp 'long thưk pơm păng maih wă pơtŏ lăng pơlei ei, 'măng pơlei ei, dur pơlei ei, tih sư dang yơ.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.

II Ho 9:19

Kŭm đei man mơjĭt-'bar tŏ dăm-brang 'bơ̆t tơdrâu kơnao gah 'ma păng gah 'ngiĕo; ưh kơ đei dêh char ayơ mă pơm tang-dŏ thoi noh.