Tơdrông Tơ'bôh 16:5 - Sơ̆p Hlabơar Nơ̆r 'Bok Kei-Dei

⁵ Na inh kơtơ̆ng linh jang 'lơ̆ng mă wei-lăng dôm lu thong đak tih iĕ noh sư khan thoi âu: “Ơ 'Bok Kei-Dei, Ih đei đơ̆ng sơ̆ khơ̆ dang ei, pôm Ih đĕch pơm 'lơ̆ng tơpăt. Ih phak kon bơngai thoi noh trŏ tơpă,

Tơdrông Tơ'bôh 16:5 Referans Kwoze

Tơdrông Tơ'bôh 11:17

păng khan: “Ơ 'Bok Kei-Dei Kră Yang Tih Hloh, Ih mơsêh mơyang tih-tin mă đei đơ̆ng sơ̆ khơ̆ dang ei, bơnê kơ Ih, nhôn băt kơ Ih wă pơgơ̆r tôm tơdrong tơpă boih.

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Horiso 129:4

Kră Yang jơ̆ 'lơ̆ng tơpăt; Sư chơ̆ng lê̆ boih tơlei lu bơngai pơm kơnê̆ chô̆ inh.

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Tơdrông Tơ'bôh 16:7

Na inh kơtơ̆ng 'bơ̆r pơma đơ̆ng chơnang soi, sư khan thoi âu: “Ơ 'Bok Kei-Dei Kră Yang Tih Hloh, trŏ tơpă mă Ih phak thoi noh.”

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 16:4

Linh jang 'lơ̆ng mă pêng tuh đak pơgang sư tơ dôm lu tu đak, đak krong, đak glung, thong đak tih iĕ, na đĭ dôm lu đak noh kư̆m jing pham ngăl.

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”