Tơdrông Pơđơk 9:6 - Sơ̆p Hlabơar Nơ̆r 'Bok Kei-Dei

⁶ Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Tơdrông Pơđơk 9:6 Referans Kwoze

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 4:11

Inh ba ih rok trong gơh hơgei dui ih lăm trong tơpăt.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Tơdrông Pơđơk 9:11

Yua kơ đơ̆ng Inh, na năr ih arih sot hloh, Lu sơnăm ih arih thim rai kơjung sot hloi.

Tơdrông Pơđơk 8:35

Yua kơ bơngai bu tơ'bơ̆p Inh, chă 'bôh tơdrong arih. Păng đei iŏk tơdrong mơnat đơ̆ng Kră Yang.

Horiso 119:115

Ơ lu bơngai pơm kơnê̆, weh bĕ đơ̆ng inh. Wă kơ inh wei răk nơ̆r Kră Yang 'Bok Kei-Dei inh tơtă.

Horiso 45:10

Ơ kon drŏ-kăng inh, mơ̆ng bĕ, tơtĭnh bĕ, pơgling đon bĕ. Hiơt bĕ kơ kon pơlei păng hnam dơnŏ 'Bă ih.

Tơdrông Pơđơk 10:17

Bu mơ̆ng pơhrăm iŏk nơ̆r bơtho oei lăm trong tơdrong arih; Mă-lei bơngai bu sơngah kơ tơdrong chrih bơtho gô hiong.

Tơdrông Pơđơk 23:19

Mơ̆ng bĕ ơ dăm! Na ih gô gơh hơgei; Wei ba jơhngơ̆m ih lăm trong tơpăt.

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.