Tơdrông Pơđơk 6:18 - Sơ̆p Hlabơar Nơ̆r 'Bok Kei-Dei

¹⁸ Jơhngơ̆m chă đon 'maih pơm kơnê̆, Jơ̆ng hăt hot kơdâu năm tơ tơdrong kơnê̆.

Tơdrông Pơđơk 6:18 Referans Kwoze

Bl 6:5

Kră Yang 'bôh kon bơngai kơpal teh âu pơm kơnê̆ dêh păng jơhngơ̆m lu sư tơchĕng kơnê̆ ling-lang.

Tơdrông Pơđơk 1:16

Yua kơ jơ̆ng lu sư kơdâu kiơ̆ trong pơm kơnê̆, hăt hot chă pơlôch đe.

Rom 3:15

Jơ̆ng kư̆m băt kơ chop pơlôch đe.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Sa 8:17

'Nĕ chă tơdrong kơnê̆ lăm jơhngơ̆m 'nĕ kơ tơhil hăm lu rông 'bôt; păng 'nĕ kơ pơma hơlĕnh, yua kơ noh jơ̆ tơdrong mă Inh areh.” Kră Yang khan thoi noh.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Tơdrông Pơđơk 24:8

Lu bơngai wă chă tơdrong pơm kơnê̆. Đe jô̆ sư bơngai chă hơlĕnh pơdăr.

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Tơdrông Pơđơk 24:2

Yua kơ jơhngơ̆m lu sư chă wă pơrăm đe, Hơpiĕt lu sư pơma chă dơhla pơrŭng đe.

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.