Tơdrông Pơđơk 6:12 - Sơ̆p Hlabơar Nơ̆r 'Bok Kei-Dei

¹² Bơngai bu arih hăm 'bơ̆r kơnê̆, Lu bơngai răm, lu bơngai pơm kơnê̆.

Tơdrông Pơđơk 6:12 Referans Kwoze

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Tơdrông Pơđơk 16:27

Bơngai kư̆ kă chă pơm tơdrong kơnê̆ kơ đe; 'Bơ̆r nơ̆r pơma thoi pla ŭnh soh chhông sa.

Tơdrông Pơđơk 4:24

'Bơ̆r ih 'nĕ pă pơma hơlĕnh, Weh ataih bĕ đơ̆ng hơkŭng pơma kư̆ kă.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

Jang 20:30

Đơ̆ng lăm lu iĕm kơdih kư̆m gô đei bơngai bơtho tơdrong 'Bok Kei-Dei ưh kơ tơpăt wă kơ lu bơngai lui tơklah dih băl păng kiơ̆ sư.

Tơdrông Pơđơk 17:4

Bơngai kơnê̆ pơgling đon mơ̆ng nơ̆r đơ̆ng 'bơ̆r lu bơngai pơm kơnê̆. Bơngai hơlĕnh hlŭ kơ nơ̆r 'bơ̆r đe pơma kơnê̆.

Tơdrông Pơđơk 8:13

Băt hli yom kơ Kră Yang jing areh kơ tơdrong kơnê̆, Inh areh kơ tơdrong pơrŏ, pơang tơdrong pơma kơnê̆, ưh kơ tơpăt.

Horiso 59:7

To 'bơ̆r lu sư lĕch nơ̆r blei hiap. Hơkŭng lu sư thoi đao. Yua kơ lu sư khan: “Kơbĭ bu kơtơ̆ng.”

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Tơdrông Pơđơk 11:6

Tơdrong 'lơ̆ng lu bơngai tơpăt gô pơklaih lu sư; Mă-lei bơngai đŏng đĕo pơm kơ lu sư kơdih 'leh hơđong.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Tơdrông Pơđơk 2:12

Wă dŏng ih klaih đơ̆ng trong pơm kơnê̆, Klaih đơ̆ng lu bơngai pơma hơlĕnh pơdăr,

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Horiso 10:7

'Bơ̆r sư 'bĕnh kơ blei hiap, hơlĕnh pơdăr pơjăm pơjuă. Lăm hơpiĕt sư băt pơdăr păng pơm kơnê̆.

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Ya 1:21

Thoi noh na bơ̆n athei lê̆ đĭ dôm tơdrong kơnê̆ 'mê̆-'mach păng chu yom kơ 'Bok Kei-Dei. Bơ̆n athei lui kơ nơ̆r Sư na bơ̆n gơh klaih đơ̆ng tơdrong yoch.

Je 24:2

Minh pôm bai tah lu plei hơra 'lơ̆ng thoi plei đum blŭng-a lăm bơyan, bai mă minh pôm noh dơ̆ng tah plei hơra kơnê̆ ngăl, ưh pă gơh sa boih.

I Sam 17:28

Mă-lei Êliap 'nhŏng kơdră sư, hil kơ Đawit pơma apinh thoi noh, na khan: E năm chă kiơ tơ âu? E achăng lê̆ lu triu bơ̆n lăm tơmăn glă ăn kơ bu lăng? Inh băt jơhngơ̆m e pơang pơma kơchu lăm jơhngơ̆m. Truh tơ âu e wă lăng tơblah ah.

Tơdrông Pơđơk 10:32

Nơ̆r 'bơ̆r bơngai tơpăt băt tơdrong trŏ 'lơ̆ng; Mă-lei đei nơ̆r 'bơ̆r lu bơngai kơnê̆ lăp băt pơma hơlĕnh đĕch.

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Tơdrông Pơđơk 3:32

Yua kơ Kră Yang areh kơ bơngai hơlĕnh; Mă-lei pơm buăl juăt hăm bơngai tơpăt.

Tơdrông Pơđơk 16:30

Lu bơngai gơ'mreh măt băt wă chă hơlĕnh, Bơngai bu kăp mơ̆m pơŏm hơkŭng noh pơm kơnê̆ boih.