Tơdrông Pơđơk 5:7 - Sơ̆p Hlabơar Nơ̆r 'Bok Kei-Dei

⁷ Dang ei, ơ lu đe dăm mơ̆ng bĕ nơ̆r Inh; 'Nĕ kơ weh ôh đơ̆ng nơ̆r 'bơ̆r Inh pơma.

Tơdrông Pơđơk 5:7 Referans Kwoze

Tơdrông Pơđơk 4:1

Ơ lu đe kon inh, mơ̆ng bĕ nơ̆r bơtho khan đơ̆ng 'bă, Pơgling bĕ đon, wă kơ lu iĕm băt kơ tơdrong hlôh băt.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Tơdrông Pơđơk 7:24

Na dang ei ơ dăm, mơ̆ng bĕ nơ̆r Inh, Pơgling bĕ đon kơ lu nơ̆r 'bơ̆r inh khan.

Tơdrông Pơđơk 4:21

'Nĕ ăn kơ lu nơ̆r noh ataih đơ̆ng măt ih, Iŏk răk bĕ lăm jơhngơ̆m ih.

Tơdrông Pơđơk 3:21

Ơ dăm wei răk bĕ tơdrong gơh hơgei, păng tơdrong băt đon tơchĕng, 'Nĕ ăn măt ih weh ataih đơ̆ng tơdrong noh.

Horiso 119:102

Inh ưh kơ đei achăng lê̆ nơ̆r tơtă Ih. Yua kơ Ih kơdih đei bơtho tơ'bôh kơ inh.