Tơdrông Pơđơk 4:26 - Sơ̆p Hlabơar Nơ̆r 'Bok Kei-Dei

²⁶ Pơm bĕ trong ih yak mă dơhnă, Lei na trong ih yak kơjăp.

Tơdrông Pơđơk 4:26 Referans Kwoze

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Horiso 37:23

Kră Yang wei kơjăp boih rim yak, Păng Sư lăp đon kơ trong lu sư:

Horiso 119:5

Ô! Rŏ kơ trong inh gơh kơjăp; Wă kơ inh kĕ kiơ̆ khôi juăt Ih!

II Tes 3:3

Kră Yang bơ̆n pơm trŏ thoi Sư pơkă tơpă. Sư tơgŭm iĕm ling-lang. Sư ăn kơ iĕm lui kơ Sư kơjăp, Sư kuă ăn yang Satan pơrăm iĕm.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 1:7

Kră Yang Tih Hloh khan: ‘Lu iĕm lăng lăng bĕ trong lu iĕm yak.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

Êphêsô 5:17

Thoi noh na bơ̆n athei kơchăng oei mă hơđơ̆ng 'nĕ kơ pơm thoi bơngai kơhlôh, adrol kơ wă pơm athei tơchĕng lăng 'mơ̆i wă kơ băt Kră Yang lăp đon kơ bơ̆n pơm dah ưh.

Êsêkiên 18:28

Yua kơ sư 'bôh păng tơbral dôm tơdrong yoch kơnê̆ mă sư hlôi pơm, tơpă sư gô đei tơdrong arih păng ưh kơ đei lôch hiong.

Horiso 119:59

Inh tơchĕng kơ trong inh, inh gơwĕch jơ̆ng inh gah tơdrong juăt Ih.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Tơdrông Pơđơk 5:6

Sư ưh kơ chă trong tơhnă wă năm tơ tơdrong arih. Wih kiơ̆ trong răm, mă-lei sư ưh kơ băt.

Horiso 40:2

Sư dui hơtŏk inh đơ̆ng sơlŭng hli krưp. Pơklaih đơ̆ng hlŭt jrŭ, Sư dan jơ̆ng inh kơpal tơmo, Păng pơm ăn kơ rim yak inh kơjăp hơđơ̆ng.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Tơdrông Pơđơk 4:25

Ăn kơ măt lăng tơpăt anăp, 'Nĕ kơ pơ'ngeh muh tơjruh măt.

Tơdrông Pơđơk 15:21

Bơngai ưh kơ hlôh 'bôh tơdrong kơtul hiôk. Mă-lei bơngai hlôh 'bôh trong sư yak tơpăt.

Tơdrông Pơđơk 21:29

Bơngai kơnê̆ pơm lê̆ muh măt arăng kơchu. Lu bơngai tơpăt băt pơm kơ trong sư kơjăp.

Tơdrông Pơđơk 23:19

Mơ̆ng bĕ ơ dăm! Na ih gô gơh hơgei; Wei ba jơhngơ̆m ih lăm trong tơpăt.