Tơdrông Pơđơk 4:19 - Sơ̆p Hlabơar Nơ̆r 'Bok Kei-Dei

¹⁹ Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Tơdrông Pơđơk 4:19 Referans Kwoze

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Yo 11:10

Dah bơngai bu ưh kơ lui kơ 'Bok Kei-Dei sư dang yak kơmăng; kơlih kơ sư ưh kơ lui na pă jor sư gô kuơ̆l kơ trong, kơlih sư ưh kơ wă 'Bok Kei-Dei tơ'bôh ăn kơ sư trong.”

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Tơdrông Pơđơk 2:13

Klaih đơ̆ng lu bơngai achăng lê̆ trong tơpăt, kiơ̆ trong măng mu.

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Jop 12:25

Lu sư nơnăm chă jơjơ̆ lăm măng mu, ưh kơ đei hơdah, păng Kră Yang pơm kơ lu sư yak mơngưt mơngat thoi bơngai suai.

Jop 5:14

Kơ'năr lu sư yak thoi lăm măng mu. Tŏk-bŏk 'năr dơ̆ng lu sư chă hơwơ̆ thoi kơmăng.

I Yo 2:11

Na dah bơngai bu hil areh kơ 'nhŏng oh sư, bơngai 'noh sư oei lăm măng mu khŏm khŏm. Sư yak nơnăm lăm măng mu. Sư ưh kơ băt trong sư wă năm tơ yơ kơlih kơ măng mu klơ̆p măt sư.

Horiso 82:5

Lu sư ưh kơ băt kiơ, kư̆m ưh kơ hlôh kiơ; Lu sư oei yak tơ âu tơ to lăm măng mu; Jơ̆p anih kơpal teh pă đei tơdrong tơpăt boih.

Tơdrông Pơđơk 22:5

Jơla păng hơ'năk hơđong kơ trong lu bơngai pơm kơnê̆. Bu wei bơhngol sư weh ataih đơ̆ng trong noh.