Tơdrông Pơđơk 30:4 - Sơ̆p Hlabơar Nơ̆r 'Bok Kei-Dei

⁴ Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Tơdrông Pơđơk 30:4 Referans Kwoze

Yo 3:13

Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Jop 26:8

Kră Yang mong đak 'mi lăm hơmơ̆l hơ'bơ̆l, Mă-lei hơmơ̆l ưh kơ đei tơhek yua kơ đơ̆ng đak lơ.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Both 30:12

Kŭm ưh kơ trŏ kơ tơdrong tơ kơpal plĕnh na iĕm mah jet: Bơngai bu gô tŏk tơ plĕnh chĕp ba tơjur tơbăt ăn kơ bơ̆n kơtơ̆ng, na wă kơ lu bơ̆n pơm kiơ̆?

Tơdrông Tơ'bôh 19:12

Măt Sư thoi pla ŭnh, Sư yơ̆l môk pơtao lơlap. Păng đei chih anăn tơ akâu Sư, mă-lei ưh kơ đei bu băt kơ anăn Sư noh, pôm Sư kơdih đĕch băt.

Rom 10:6

Mă-lei tơdrong lui kơ Yêsu wă kơ 'lơ̆ng hăm 'Bok Kei-Dei ưh kơ anat ôh. Bơ̆n băt ưh kơ anat, na bơ̆n 'nĕ kơ pơma khan: Năm bĕ, bu tŏk krao kơ bơ̆n Yêsu đơ̆ng plĕnh,

Both 28:58

Tơdah iĕm ưh kơ kơchăng pơm kiơ̆ dôm nơ̆r đơ̆ng khôi juăt 'nâu, chih boih lăm sơ̆p hla bơar 'nâu, ưh pă hli kơ anăn 'lơ̆ng rŏ Kră Yang 'Bok Kei-Dei iĕm anăn ư-ang trŏ kơ hli yom krưp,

Êsai 53:8

Đe rôp sek tơlang sư ưh kơ trŏ na ba hloi sư na pơlôch; lăm jơhnơr hơdai hăm sư. Hăm đei bu băt tơchĕng khan sư lôch; yua kơ tơdrong yoch kon pơlei Inh, mă trŏ kơ sek tơlang păng pơlôch.

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Lu 13:18

Linh jang 'lơ̆ng Kră Yang khan: Liơ mă ih jet anăn inh, anăn inh jing hlĭch dêh.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Horiso 24:2

Yua kơ Sư pơjing teh kơpal đak krong dơsĭ, Păng dan sư kơjăp kơpal đak tih.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Bl 32:29

Jakôp apinh: “Ăn kơ inh băt anăn ih.” Sư tơl: “Yua kơ kiơ ih apinh anăn inh?” Đơ̆ng bơngai noh sơkat ăn kơ Jakôp đei pŭn hiôk 'bơ̆t noh.

Le 15:10

Ih tơthu kial lĕch, kial đơ̆ng Ih đak dơsĭ lơ̆p lê̆ lu sư boih; lu sư krăm thoi kơtuăl bơlơ̆k tơ kơđĕl đak jrŭ.

Horiso 135:7

Sư ăn kơ hơmơ̆l đông đơ̆ng tôch jih kơ plei teh. Sư ăn kơmlat kiơ̆ kơ 'mi, Ăn kơ kial lĕch đơ̆ng anih mong sư.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Jop 11:8

Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?