Tơdrông Pơđơk 3:25 - Sơ̆p Hlabơar Nơ̆r 'Bok Kei-Dei

²⁵ 'Nĕ kơ hli krưp kiơ ôh kơplah tơdrong kơnê̆ blư truh kơ ih, Kŭm 'nĕ kơ hli krưp mơ̆n kơplah ih 'bôh tơdrong kơnê̆ truh pơrăm lu bơngai pơm kơnê̆.

Tơdrông Pơđơk 3:25 Referans Kwoze

Horiso 112:7

Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

Horiso 91:5

Ih pă đei hli boih mă tơdrong hli krưp kơmăng, mă 'brơ̆m păr kơ'năr

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Markôs 4:40

Na Sư khan kơ lu đe ei: “Yua kơ kiơ iĕm hli? Iĕm tam băt gơnang kơ Inh hă?”

Mathiơ 24:6

Păng iĕm kơtơ̆ng đe tơblah mă jê̆ mă ataih, iĕm 'nĕ kơ hli hŏ. Tơdrong noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Luka 21:9

Mă iĕm kơtơ̆ng đe tơblah mă tih, mă iĕ, iĕm 'nĕ kơ hli hŏ. Tơdrong noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.”

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Tơdrông Pơđơk 1:27

Kơplah tơdrong hli krưp truh tơ lu iĕm thoi kial hơbŭt, păng tơdrong pơmat-tat truh tơ lu iĕm thoi kial phŭt, Tơdrong jĭ jăn pơmat-tat truh tơ lu iĕm.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Sa 9:8

Inh gô war bơwei tăp dăr kơ hnam Inh, tơblah hăm lu linh, wă ưh kơ đei bu mơ̆t lĕch. Lu bơngai pơgô̆ đe ưh pă đei pơgô̆ boih, yua kơ dang ei măt Inh lăng bơwei sư.