Tơdrông Pơđơk 3:24 - Sơ̆p Hlabơar Nơ̆r 'Bok Kei-Dei

²⁴ Kơplah ih 'bĭch ưh kơ đei hli kiơ. Kơplah ih 'bĭch tep, ih gô tep hiôk-hian.

Tơdrông Pơđơk 3:24 Referans Kwoze

Horiso 3:5

Inh 'bĭch đơ̆ng noh tep hiôk; Inh hơđơ̆r, yua kơ Kră Yang râu tơiung inh.

Horiso 4:8

Ơ Kră Yang, inh gô 'bĭch păng tep hiôk-hian; Yua kơ lăp minh 'nu Ih đĕch ăn kơ inh oei hiôk rơnŭk.

Tơdrông Pơđơk 6:22

Mưh ih yak, sư gô ba ih; Kơplah ih tep, sư gô wei-lăng ih; 'Blep ih hơđơ̆r sư pơma dơnuh.

Je 31:26

Kơplah noh inh hơđơ̆r lăng inh tep hiôk-hian.

Jop 11:19

Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Êsêkiên 34:15

Inh kơdih gô wei triu Inh, păng Inh kơdih gô ăn kơ lu sư drum pơdơh, Kră Yang khan thoi noh.

Jang 12:6

Na truh măng ei tơ lăm hnam phak noh đe oei chô̆ Pêtrôs păng tơlei glang mam 'bar dăng. Sư oei tep đei linh gak, minh 'nu gah 'ma minh 'nu gah 'ngiĕo. Tơ 'măng hnam ei kư̆m đei linh gak mơ̆n. Pơtao Hêrôt athei lu linh gô pơgê dơning tơlĕch sư yua kơ 'bok pơtao wă pơlôch sư boih.

Horiso 112:8

Jơhngơ̆m sư kơjăp, ưh kơ hli tơrơ, truh tơ sư 'bôh lu ayăt thuơ kơ sư.

Tơdrông Pơđơk 1:33

Mă-lei bơngai bu mơ̆ng kiơ̆ Inh gô oei hiôk-hian. Oei hơđơ̆ng ưh kơ đei hli kơ tơdrong kiơ truh.

Bôk Bơthô 5:12

Lu bơngai jang gleh hrat, mă sŏng sa tŏ sĕt dah lơ tep hiôk kơmăng; mă-lei lu bơngai mơdrŏng, đei sa rơkah rơkai, mă-lei tep ưh kơ hiôk.

II Ho 20:30

Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

Horiso 3:6

Inh ưh kơ hli ôh kơ lơ rơbâu bơngai, Wang tăp dăr puăn pah.

Horiso 91:5

Ih pă đei hli boih mă tơdrong hli krưp kơmăng, mă 'brơ̆m păr kơ'năr

Tơdrông Pơđơk 19:23

Tơdrong hli yom kơ Kră Yang ba tơdrong arih. Bu đei tơdrong noh hiôk-hian hloh; ưh pă đei rŭng răng.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.