Tơdrông Pơđơk 3:14 - Sơ̆p Hlabơar Nơ̆r 'Bok Kei-Dei

¹⁴ Gĭt sư hloh kơ hu. Yua sư kăp hloh kơ maih.

Tơdrông Pơđơk 3:14 Referans Kwoze

Tơdrông Pơđơk 16:16

Iŏk tơdrong hơgei noh đei gĭt hloh kơ maih; 'Maih chă tơdrong hlôh wao noh kăl hloh kơ hu!

Tơdrông Pơđơk 8:19

Plei yua đơ̆ng Inh 'lơ̆ng hloh kơ maih se, mă maih rơgoh, Hloh kơ hu đe 'nao hling.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

Tơdrông Pơđơk 2:4

Tơdah ih chơchă sư thoi chă jên kăk, Păng chă sư thoi tơmam gĭt khăi,

Horiso 119:162

Inh hiôk chơt kơ nơ̆r Ih pơkă thoi lu đe blah iŏk đei tơmam lơ.

Horiso 119:72

Khôi juăt đơ̆ng 'bơ̆r Ih pơma jing 'lơ̆ng kơ inh. Hloh kơ đei rơbâu tơpei hu maih.

Bôk Bơthô 7:11

Tơdrong hơgei gĭt kăl nhen thoi bơngai đei tơmam chŭn mir ioi đơ̆ng adrĕch sư, păng chĕp ba tơdrong đei yua đunh sơnăm kơ lơ bơngai lăm chăl arih.