Tơdrông Pơđơk 29:25 - Sơ̆p Hlabơar Nơ̆r 'Bok Kei-Dei

²⁵ Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Tơdrông Pơđơk 29:25 Referans Kwoze

Horiso 118:8

Gơnang kơ Kră Yang đĕch hloh kơ gơnang kơ kon bơngai.

Luka 12:4

“Ơ 'nhŏng oh, iĕm 'nĕ kơ hli kơ đe mă gơh pơlôch akâu iĕm đĕch.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Tơdrông Pơđơk 16:20

Bơngai bu chu iŏk đe bơtho gơh đei yua; Bơngai bu gơnang kơ Kră Yang gơh đei pŭn hiôk.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Horiso 125:1

Lu bơngai gơnang kơ Kră Yang. Thoi kông Siôn ưh kơ đei pơpơ̆, mă-lei oei oei ling-lang.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Bl 20:11

Abraham tơl: “Inh tơchĕng lăm dêh char âu ưh kơ đei bu băt hli yom kơ Kră Yang 'Bok Kei-Dei; na lu sư gô pơlôch inh, yua kơ 'ngeng kơ akăn inh.

Êsai 57:11

Gơneh gơnơm kơ bu iĕm hli yom kơ bu, na iĕm mah pơma hơlĕnh kơ Inh. Ưh pă 'blŏk kơ Inh. Ưh pă 'măn Inh lăm jơhngơ̆m iĕm, hăm trŏ yua kơ Inh oei ngăn đunh dêh, na iĕm ưh kơ hli kơ Inh?

Bl 26:7

Yua kơ Rê'bêka bơngai 'lơ̆ng hơbŏ rơhau, na mưh kon pơlei apinh gah akăn sư, na sư khan, “Noh oh drŏ-kăn inh;” Hli kơ mưh khan, “Noh akăn inh,” sư tơchĕng kơnh hơmơt kơ lu sư pơlôch inh.

Bl 20:2

Abraham roi kơ đe gah akăn sư: “Sư âu oh drŏ-kăn inh.” Abimêlek, pơtao Gêrar, wơh bơngai năm krao iŏk Sara.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Bôk Bơthô 7:18

'Lơ̆ng hloh kơ ih athei 'nĕ kơ pơư kơdih akâu 'lơ̆ng tơpăt, gơh hơgei păng athei areh kơ tơdrong kơnê̆. Yua kơ bơngai bu hli yom kơ Kră Yang 'Bok Kei-Dei sư gơh weh đơ̆ng 'bar tơdrong noh.

Tơdrông Pơđơk 28:25

Bơngai bu đei jơhngơ̆m ham chă sơlam pơdrŭt đe tơhil băl. Mă-lei bơngai bu băt gơnang kơ Kră Yang gô phĭ jơnap.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

Mathiơ 15:12

Đang Yêsu pơma thoi noh boih na lu bơngai pơhrăm păng Sư năm khan kơ Sư: “Ih hăm băt lu bơngai Pharisi ơh kơ Ih pơma thoi noh hei?”

Horiso 69:29

Gah inh pơmat-tat răm-'băm: Na ơ Kră Yang 'Bok Kei-Dei apinh Ih dŏng pơklaih păng hơtŏk inh tơ anih kơjung.

I Pot 19:3

Thoi noh Êli hli, sư iung kơdâu weh wă pơklaih tơdrong arih sư. Sư năm truh tơ Pơlei Bêrsêba lăm char Juđa, lê̆ lu đam sư oei tơ noh.

I Sam 27:11

Đawit ưh kơ đei lê̆ minh 'nu bơngai drŏ-nglo dah bơngai drŏ-kăn mă oei arih wă chông ba brŏk tơ Gat; hli kơ lu sư gô roi kơ dôm tơdrong Đawit hăm lu bơngai kiơ̆ sư pơm. Kơplah Đawit oei lăm dêh kon pơlei bơngai Philistin sư juăt kơ pơm thoi noh ling-lang.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Horiso 119:117

Apinh Ih dŏng tơgŭm inh, na inh hơđơ̆ng. Wă kơ inh pơm kiơ̆ kơ khôi juăt Ih ling-lang.

Lu 16:11

Samsơn khan: Tơdah đe chô̆ gơhret inh hăm tơlei giĕn 'nao kŭi ưh tam đei bu yua, lei inh gô jing rơdu, nhen thoi lu bơngai nai đĕch.

I Sam 21:13

Đawit pơm wơnh 'bơ̆t anăp lu đe noh păng thoi bơngai sem brem, Đawit chhơ̆ tơ lu 'măng păng lê̆ đak hai ro tơ sŏk kang sư.