Tơdrông Pơđơk 28:11 - Sơ̆p Hlabơar Nơ̆r 'Bok Kei-Dei

¹¹ Bơngai mơdrŏng dŏng kơdih akâu khan bơngai hơgei. Mă-lei đei bơngai dơnuh hlôh 'bôh đĭ bơngai noh?

Tơdrông Pơđơk 28:11 Referans Kwoze

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

Tơdrông Pơđơk 26:16

Bơngai hơlah khan sư hlôh wao, Hloh mă đei tơpơh 'nu tơl lăp kư̆m tim mă tam sư.

Tơdrông Pơđơk 18:17

Mơ̆ng bơngai adrol pơma rŏ kơ trŏ; Phŏ truh đei apinh na gơh nhen.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Êsai 5:21

Răm-'băm dêh kơ bơngai bu lăng kơdih akâu sư khan hơgei, pôk kơdih akâu sư khan bơngai hlôh wao!

Tơdrông Pơđơk 26:5

'Nĕ tơl tơwih kơ bơngai kơwao thoi tơdrong kơtul sư. Kơnh sư khan sư bơngai hơgei đei đon hlôh wao.

Tơdrông Pơđơk 23:4

'Nĕ pơgleh ih kơdih kơlih wă kơ mơdrŏng. Ăn kơ ih đei đon hơgei 'nei hloh kơ tơdrong noh.

Tơdrông Pơđơk 19:1

Bơngai dơnuh hin arih sa 'lơ̆ng tơpăt. 'Lơ̆ng hloh kơ bơngai bơlŭk pơma hơlĕnh.

Tơdrông Pơđơk 18:11

Mŭk tơmam bơngai mơdrŏng, jing pơlei tih kơjăp kơdih akâu sư. Sư khan thoi dur kơjung kơjăp pĕng tăp kơ sư.

Jop 32:9

Ưh kơ trŏ bơngai 'lŏ kră khan gơh hơgei, Lu bơngai kră kư̆m ưh kơ trŏ khan băt hlôh tơdrong trŏ.

Tơdrông Pơđơk 3:7

'Nĕ lăng gơh hơgei kiơ̆ kơ măt kơdih, Mă-lei hli yom bĕ kơ Kră Yang, weh bĕ đơ̆ng trong kơnê̆.

Tơdrông Pơđơk 26:12

Ih hăm 'bôh minh 'nu bơngai khan kơ sư kơdih bơngai hlôh wao, Bơngai kơtul bơlŭk oei đei hơmĕng hloh kơ sư.