Tơdrông Pơđơk 24:6 - Sơ̆p Hlabơar Nơ̆r 'Bok Kei-Dei

⁶ Ih athei đei chă đon hlôh wao na năm tơblah. Gô jei jơnei tih dah ih đei lơ bơngai bơtho tơ'bôh.

Tơdrông Pơđơk 24:6 Referans Kwoze

Tơdrông Pơđơk 11:14

Ưh kơ đei bơtho tơ'bôh lu kon pơlei gô huŏng, Mă-lei tơdah đei bơngai pơđâu chă đon kon pơlei kĕ jei.

Tơdrông Pơđơk 20:18

Đơ̆ng bơtho tơ'bôh na chă đon gơh kơjăp. Năm tơblah athei đei đon pơgơ̆r hơgei.

Tơdrông Pơđơk 15:22

Tơdă ưh kơ chă đon pơđâu, tơdrong ih wă pơm gô hiong; Mă-lei tơdah đei đon lơ pơđâu chơchă tơdă wă pơm gô jing.

Luka 14:31

“Pơtih gia dơ̆ng, dah đei minh 'nu 'bok pơtao anhăk ba mơjĭt-rơbâu 'nu linh sư wă năm blah păng pơtao đe ayăt, na gah đe ayăt wă năm blah sư mơ̆n, lu linh đe ayăt dang 'bar-jĭt rơbâu, na 'bok pơtao ei athei tơchĕng hơdrol 'mơ̆i lu linh sư hăm kĕ ưh.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

II Ho 22:4

Sư pơm lơ tơdrong kơnê̆ 'bơ̆t anăp Kră Yang, kư̆m thoi adrĕch Ahap đei pơm boih yua kơ đơ̆ng rŏng kơ 'bă sư lôch, Kon Sâu Ahap chă đon hơlĕnh pơhlŭ sư, wă pơm kơ sư răm.