Tơdrông Pơđơk 24:3 - Sơ̆p Hlabơar Nơ̆r 'Bok Kei-Dei

³ Đơ̆ng tơdrong gơh hơgei đei pơm tơiung hnam. Đơ̆ng đon hlôh wao na hnam đei pơm pơjing kơjăp.

Tơdrông Pơđơk 24:3 Referans Kwoze

Tơdrông Pơđơk 14:1

Bơngai drŏ-kăn gơh hơgei đei pơm pơjing hnam sư. Mă-lei bơngai drŏ-kăn kơwao hrăn kuăr ti noh yuih lê̆ hnam sư.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

Tơdrông Pơđơk 9:1

Tơdrong gơh hơgei đei boih pơjing hnam kơdih. Sư traih boih tơpơh tŏ jrăng sư.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

II Sam 7:26

Hơpơi kơ anăn Ih đei ư-ang ling-lang khŏm khŏm, ‘Kră Yang Tih jơ̆ 'Bok Kei-Dei pơgơ̆r lu bơngai Isơrael,’ hơpơi kơ Ih pơjing kơjăp ăn kơ hnam adrĕch đĭch đam Ih Đawit!