Tơdrông Pơđơk 24:24 - Sơ̆p Hlabơar Nơ̆r 'Bok Kei-Dei

²⁴ Bu khan kơ bơngai pơm kơnê̆ ih huay kơ yoch ôh, Kon pơlei gô blei hiap, bơngai lăm teh đak hil areh kơ sư.

Tơdrông Pơđơk 24:24 Referans Kwoze

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Tơdrông Pơđơk 11:26

Bơngai bu mong 'ba sa kơdih, kon pơlei blei hiap, Mă-lei bơngai bu đei tĕch 'ba gô sơkat ăn pŭn hiôk.

Tơdrông Pơđơk 28:27

Bơngai bu asong ăn kơ bơngai dơnuh hin ưh kơ kơ'bah ôh. Mă-lei bơngai bu ưh kơ băt mơnat gô đei đe blei hiap.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Êsai 5:20

Răm-'băm dêh kơ bơngai bu khan pơm kơnê̆ noh 'lơ̆ng, khan pơm 'lơ̆ng noh kơnê̆; khan măng mu noh hơdah, hơdah noh khan măng mu; tơmam tăng khan 'ngam, tơmam 'ngam khan tăng.

Tơdrông Pơđơk 30:10

'Nĕ pơma kơnê̆ kơ đĭch 'bơ̆t anăp yŏng tơ'ngla sư, Hli kơnh sư hiap ih păng đe jô̆ ih bơngai yoch.