Tơdrông Pơđơk 24:14 - Sơ̆p Hlabơar Nơ̆r 'Bok Kei-Dei

¹⁴ Ih athei băt tơdrong hơgei kư̆m đei 'ngam lăm bơhngol ih thoi noh; Dah ih chă tơdrong hơgei đei boih, ih gô đei tơdrong hiôk chơt đơ̆ng âu tơ anăp. Păng tơdrong ih chang hơmĕng ưh kơ tôch ôh.

Tơdrông Pơđơk 24:14 Referans Kwoze

Tơdrông Pơđơk 23:18

Sĭt tơpă ih wă gô đei apah ning-mônh. Păng tơdrong mă ih hơmĕng gô đei huay kơ tôch.

Tơdrông Pơđơk 2:10

Yua kơ tơdrong gơh hơgei gô mơ̆t tơ lăm jơhngơ̆m ih, Tơdrong hlôh wao gô pơm kơ bơhngol ih hiôk chơt.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Horiso 119:103

Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Tơdrông Pơđơk 22:18

Ih gô chơt hiôk tơdah ih răk sư lăm jơhngơ̆m, Păng wei sư oei lăm 'bơ̆r hơkŭng ih ling-lang.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Tơdrông Pơđơk 16:24

Nơ̆r pơma rơngơp 'ngam thoi đak sut, 'Ngam kơ bơhngol gơh klaih praih jăng kơ kơting.