Tơdrông Pơđơk 24:12 - Sơ̆p Hlabơar Nơ̆r 'Bok Kei-Dei

¹² Tơdah ih khan, “'Nâu, nhôn ưh kơ băt ôh tơdrong noh” Hăm trŏ đei tơ'ngla 'bôh boih tơdrong noh? Hăm trŏ đei tơ'ngla wei-lăng bơhngol ih sư 'bôh tơdrong noh? Sư gô pơm tơwih kơ rim 'nu kiơ̆ thoi đêl sư pơm

Tơdrông Pơđơk 24:12 Referans Kwoze

Jop 34:11

Kră Yang apah kon bơngai kiơ̆ kơ tơdrong jang lu sư pơm, Pơm kơ rim 'nu bơngai kiơ̆ kơ lu sư oei arih sa.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Rom 2:6

Sư gô sek tơlang 'blep dôm tơdrong đêl bơ̆n pơm.

Tơdrông Pơđơk 21:2

Trong kon bơngai wă tă tơpăt kiơ̆ kơ măt sư kơdih. Mă-lei đei Kră Yang lăng lăm jơhngơ̆m.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Horiso 121:8

Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

Horiso 121:3

Sư ưh kơ đei lê̆ jơ̆ng ih tơpling. Sư Tơ'ngla wei-lăng ih ưh kơ layơ tep.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu:

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

Jang 17:28

Tơdrong noh 'bok thây iĕm kư̆m chih mơ̆n sơ̆ khan: ‘'Bok Kei-Dei ăn kơ bơ̆n gơh arih gơh bơ̆jang.’ 'Bok thây iĕm kư̆m chih thoi âu: ‘Bơ̆n kư̆m kon 'Bok Kei-Dei mơ̆n.’

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.

Horiso 94:9

Kră Yang tơ'ngla pơjing hla đon ưh kơtơ̆ng hă? Kră Yang Tơ'ngla pơjing măt ưh kơ 'bôh hă?

Tơdrông Pơđơk 12:14

Đei plei 'lơ̆ng đơ̆ng nơ̆r 'bơ̆r pơma, na ih đei tôm tơdrong 'lơ̆ng. Na đe ăn trŏ thoi tơdrong jang đêl sư pơm.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Tơdrông Pơđơk 16:2

Lu trong kon bơngai khan rơgoh 'lơ̆ng noh lĕch đơ̆ng măt kơdih akâu; Mă-lei Kră Yang lăng lăm jơhngơ̆m.

Nhom 3:36

Wă sek tơlang pơgâm kơ minh 'nu bơngai tơpăt, năr Kră Yang sek tơlang, na Kră Yang ưh kơ lăp ôh.