Tơdrông Pơđơk 22:29 - Sơ̆p Hlabơar Nơ̆r 'Bok Kei-Dei

²⁹ Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 22:29 Referans Kwoze

I Pot 11:28

Jêrôbôam sư minh 'nu bơngai pran hơgei; Sôlômôn 'bôh minh 'nu bơngai tơdăm pơnam hơgei bơ̆jang, na Sôlômôn ăn kơ sư pơm yŏng pơgơ̆r lu bơngai jang apah lăm adrĕch Jôsep.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Tơdrông Pơđơk 12:24

Lu bơngai alah gô pơm đam. Ti lu bơngai pơnam gô pơgơ̆r;

Tơdrông Pơđơk 10:4

Ti lu bơngai jang alah apah jing dơnuh hin. Ti lu bơngai pơnam đei mŭk tơmam mơdrŏng.

Mathiơ 25:23

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Bl 41:46

Jôsep pơtơm jang hăm Pharaôn, pơtao Êyiptơ, kơplah noh sư đei pêng-jĭt sơnăm boih. Thoi noh, sư đơ̆ng hnam pơtao Pharaôn sư chă năm dăr tơ jơ̆p kơ dêh char Êyiptơ.

Rom 12:11

Bơ̆n adrin jang tơdrong Kră Yang tôch bơneh kơ bơ̆n jang.

I Pot 10:8

Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

Bl 47:6

Thoi noh dêh Êyiptơ đei 'măn ăn kơ ih; chă păng ăn bĕ kơ 'bă ih hăm lu 'nhŏng oh ih oei tơ anih mă 'lơ̆ng hloh lăm char Êyiptơ âu: Ăn bĕ kơ lu sư oei tơ tơring Gôsen noh; ih băt lăm lu sư bơngai bu gơh juăt hơgei kơ wei rong kon sem dơrong, jao bĕ kơ lu sư wei rong kon sem dơrong inh.

I Sam 16:21

Đawit truh tơ Sôl, păng jang hloi kơ sư. Sôl 'mêm kơ sư dêh mah iŏk ăn kơ sư chĕp tơmam blah.

Tơdrông Pơđơk 23:1

Tơdah ih hơ-oei sŏng sa hơdai hăm bơngai pơgơ̆r Kơchăng bĕ kơ bơngai 'bơ̆t anăp ih.

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

I Sam 17:31

Đei bơngai kơtơ̆ng nơ̆r Đawit pơma, na plơ̆ roi ăn kơ Sôl băt; Sôl krao sư.

II Sam 2:32

Lu sư tung akâu Asahel, 'bŭ hơdai hăm 'bă sư tơ pơlei Betlehem. Đơ̆ng noh, Jôap hăm lu linh kiơ̆ jơ̆ng sư năm prăt măng dĭng 'brưch pơgê truh tơ pơlei Hêbrôn.

I Ho 4:23

Lu bơngai 'nâu gơh man ge gŏ, oei 'bơ̆t pơlei Nêtaim păng pơlei Gêđêra; lu sư oei tơ noh bơ̆jang kơ pơtao.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 1:19

Pơtao pơma dơnuh păng lu sư păng lăm đĭ-đăng lu sư, đe bu gơh hơgei dang Đaniel, Hanania, Mêsael păng Asaria; Na lu sư gơh dơ̆ng bơ̆jang 'bơ̆t anăp pơtao.